14:08 23 лістапада 2017
«Радыё Sputnik»
Парфумер Улад Рыкуноў

Парфумер распавёў, чым пахне Беларусь і які водар у Мінска

© Sputnik/ Василий Семашко
Стыль жыцця
Атрымаць кароткую спасылку
37 0 0

Сакрэтамі стварэння парфумернай кампазіцыі для моцных мужчын і прыгожых гарадоў са Sputnik падзяліўся беларускі парфумер.

МІНСК, 22 лют — Sputnik. Праект "Пах мужчыны" стартаваў напярэдадні мужчынскага свята ў галерэі "Дом карцін".

Улад Рыкуноў, які спецыялізуецца на стварэнні персанальных кампазіцый для вядомых людзей і карпаратыўных брэндаў, распавёў карэспандэнту Sputnik, як ствараюцца водары для моцнай паловы чалавецтва.

На распрацоўку індывідуальнага водару, па словах парфумера, патрабуецца не менш двух-трох тыдняў. "Я павінен знайсці сваё бачанне гэтага чалавека, перш чым зразумець, якая кампазіцыя яму падыходзіць. Мне трэба зазірнуць у яго вочы, адчуць, як ён рэагуе на пэўныя парфумерныя ноты", — падзяліўся суразмоўца Sputnik.

Парфюмерная выставка
© Sputnik/ Василий Семашко
На парфумернай выставе

Аб Рыкунове загаварылі, калі ён прадставіў водар у гонар Уладзіміра Пуціна Leaders Number One Inspired by Vladimir Putin. Паводле яго слоў, у працэсе стварэння, ён доўга вывучаў парфумерныя прыхільнасці расійскага лідэра.

"Водар быў круглявы, цёплы, з натуралістычных драўнянымі нотамі, і разам з тым, там выкарыстана ігліца. Іглічныя ноты надаюць нейкую калянасць стрыжня водару. У пачатку кампазіцыі выкарыстаны цытрусы, а таксама чорная парэчка, якая валодае гульнёй паміж зялёнай галінкай і чорнай ягадай", — распавёў парфумер.

Таксама Рыкуноў адзначыў, што калі б яму прыйшлося ствараць водар для Аляксандра Лукашэнкі, то "ў ім былі б цёплыя сямейныя ноты".

"Я бачу, што сям'я для яго значыць шмат. І Беларусь для яго, як краіна, таксама значная. Ён засцерагае яе, нібыта ў руках трымае. Я б рабіў акцэнты на сандалавыя ноты, больш вільготныя. І цалкам магчыма, лёгкія-лёгкія намёкі на фруктовыя нюансы, дапушчальныя ў мужчынскім паху", — працягнуў парфумер.

На пытанне, якім ён бачыць водар самой Беларусі, парфумер прызнаўся, што паколькі ў нашай краіне шмат прыгожых дзяўчат, у кампазіцыі абавязкова павінны быць ноткі свежасці, жаноцкасці і сэксуальнасці.

Парфюмерная выставка
© Sputnik/ Василий Семашко
На парфумернай выставе

"Водары Беларусі — садавіна, дыня, ажына, язмін, амбра", — рэзюмаваў ён. А вось пра парфумерную кампазіцыю для беларускай сталіцы ён выказаўся так: "Мінск — тэхнагенны горад, у ім шмат металу, сталі. Гэта водар белага мускуса, кедра, сандала", — сказаў на заканчэнне парфумер.

Тэги:
Стыль жыцця, Грамадства, Мінск, Беларусь
Правілы карыстанняКаментары

Галоўныя тэмы