04:06 20 кастрычніка 2019
«Радыё Sputnik»
  • USD2.04
  • EUR2.27
  • 100 RUB3.19
Акцыя Я - дрэва ля Дома РСДРП

Старыя дрэвы ў мінскіх парках распавядаюць гарадскія гісторыі

© Photo : Экохоум
Стыль жыцця
Атрымаць кароткую спасылку
2210

Хто зараз згадае, у якім з гэтых месцаў запускаўся першы паветраны шар, а дзе круціў фільмы кінатэатр "Летні". Дрэвы раскажуць мінчанам гэтыя гісторыі.

МІНСК, 28 кра — Sputnik. У мінскіх парках імя Максіма Горкага і Янкі Купалы ў 13-ці дрэў з'явіліся шыльды з гісторыямі пра тое, як змяняўся горад і што было побач з тым месцам, дзе зараз расце дрэва.

"З моманту заснавання кампаніі і размяшчэння яе ў гістарычным будынку пад шпілем прайшло ўжо больш за 7 гадоў. За гэты час мы не раз сутыкаліся з праблемай, калі многія не ведаюць, дзе знаходзіцца нават гэты знакаміты Дом пад шпілем. Для Мінска ж гэта легендарны будынак", — распавёў кіраўнік кампаніі "Экахоум" Дзмітрый Логінаў.

Арганізатары акцыі "#древология" пэўныя, што кожнае старое дрэва горада стала сведкам сотняў падзей за свой век, а значыць, яму ёсць што расказаць. Драўляны цырк, бярозавы гай і першыя шахтавыя калодзежы — пра ўсё гэта можна будзе даведацца з вуснаў гарадскіх старажылаў.

Дерево рассказывает про дом под шпилем
© Photo : Экохоум
Дерево рассказывает про дом под шпилем

Супрацоўнікі кампаніі часта ходзяць у парк, каб натхніцца, адпачыць ад працы, і заўжды дзівяцца, што там не шматлюдна, падзяліліся ў кампаніі. Часцей за ўсё у парках гуляюць пенсіянеры і жанчыны з маленькімі дзецьмі ў калясцы.

"Мы распрацавалі спецыяльны маршрут з 13-ю гісторыямі ад дрэў, якія дапамогуць бавіць больш часу ў парку і даведвацца займальныя гісторыі. Мы верым, што маршрут дазволіць менчукам адпачываць з задавальненнем", — сказалі арганізатары.

Каб лягчэй было арыентавацца і зразумець, дзе ж стаяць усе 13 дрэваў, была створана адмысловая карта, якую можна паглядзець, калі прасканаваць QR-код на шыльдзе, размешчанай ля кожнага дрэва. Дрэвы абраныя не выпадкова — гэта спецыяльны маршрут, які можна прайсці за адну гадзіну.

Калі вы апошні раз былі ў парку? Напэўна, самы час прагуляцца ўсёй сям'ёй.

Тэги:
Паркі адпачынку, Адпачынак, Мінск, Беларусь

Галоўныя тэмы