Кашэрны зефір для яўрэяў з ЗША выпусцяць у Бабруйску

© ОАО "Красный пищевик"Бабруйскі зефір, архіўнае фота
Бабруйскі зефір, архіўнае фота - Sputnik Беларусь
Падпісацца
Увесь тэхналагічны працэс вырабу прысмакаў асабіста пракантралюе равін.

МІНСК, 20 сне — Sputnik. Кашэрны зефір і халву пачнуць выпускаць на бабруйскім прадпрыемстве "Чырвоны харчавік", паведаміў "Вечернему Бобруйску" намеснік дырэктара па вытворчасці Валерый Пташыц.

Сінагога ў Віцебску - Sputnik Беларусь
Шагал і камяні з Іерусаліма: у Віцебску адкрываюць новую сінагогу

Прадпрыемства ўжо атрымала сертыфікат ад дэпартамента кашруту пры галоўным равінаце Расіі.

Паведамляецца, што зефір выпусцяць пробнай адзінай партыяй. Яна адправіцца ў ЗША. Увесь тэхналагічны працэс вырабу зефіру, уключаючы загрузку сыравіны і падачу інгрэдыентаў, асабіста кантралюе равін.

Разам з тым халву можна будзе купіць у крамах Беларусі. Салодкую прадукцыю таксама збіраюцца пастаўляць у ЗША і Ізраіль.

"Кашэрнасць прадукту, вядома, адаб'ецца на яго кошце. Рэцэпт не мяняецца, але трэба выкарыстоўваць строга вызначаныя спецыі і фарбавальнікі, менавіта за кошт іх халва і падаражэе", — сказаў Валерый Пташыц.

Выданне адзначае, што пры вырабе халвы равін прысутнічаць не будзе. Знайсці кашэрны прадукт на прылаўку крамы можна будзе па апазнавальных знаках на ўпакоўцы — літарах "КР" у крузе.

Стужка навiн
0