10:16 20 сакавіка 2019
«Радыё Sputnik»
  • USD2.11
  • EUR2.39
  • 100 RUB3.28
Марыя Хархаль

Удзельніца "Ты супер!" Марыя Хархаль любіць Queen і спявае ў царкоўным хоры

© Sputnik Владимир Жданович
Стыль жыцця
Атрымаць кароткую спасылку
Конкурс НТБ и Sputnik "Ты супер!" (58)
810

Бабуля, якая выхоўвае Марыю, да апошняга не ведала, што ўнучка ўдзельнічала ў адборы на конкурс - дзяўчынка не хацела яе хваляваць.

У трэцім сезоне міжнароднага вакальнага шоу для дзяцей, якія засталіся без апекі бацькоў, "Ты супер" Беларусь прадставіць 15-гадовая школьніца з Бабруйска Марыя Хархаль.

Яе з чатырох гадоў выхоўваюць дзядуля і бабуля, якіх яна да апошняга старалася не хваляваць навінамі з адборачных тураў. Бабуля пазнала аб перамозе ўнучкі толькі калі ёй патэлефанавалі з Масквы з паведамленнем, што Марыя выйшла ў наступны тур і яе чакаюць у Маскве на запісы тэлепраграмы.

"Бабуля, у цябе хворае сэрца, а калі б я не прайшла?" - тлумачыла свой учынак Марыя. Яна прызналася, што глядзела папярэднія сезоны, марыла апынуцца сярод удзельнікаў "Ты супер!" і таму, калі з'явілася магчымасць, адправіла заяўку. Употай - таму што хацела паберагчы бабулю.

Спяваць Маша пачала ў 9 гадоў - пасля таго, як у лагеры яе папрасілі выканаць песню на закрыцці змены.

"Пасля педагог запрасіла мяне спяваць у царкоўным хоры, а бабуля потым адвяла яшчэ і ў эстрадную студыю, дзе я займаюся дагэтуль", - распавядае Маша.

Спявае яна і дома. Перыядычна робіць шоу для родных. Чакае, калі скончацца навіны, і аб'яўляе: "А зараз канцэрт".

"І кожны вечар нам спявала так, што нават суседзі заслухоўваліся", - распавядае Алена Мікалаеўна.

Што тычыцца музычных пераваг, то, па словах Машы, яна любіць і духоўную музыку, і рок. З задавальненнем слухае Валерыя Меладзе, групу "Бі-2" і Queen, і марыць праспяваць дуэтам з Наталляй Падольскай.

Трэці сезон "Ты супер" стартуе 5 сакавіка на сцэне Дзяржаўнага Крамлёўскага палаца. У канцэрце прымуць удзел як пачаткоўцы, так і дзеці з папярэдніх сезонаў, а таксама зоркі расійскай эстрады Ігар Круты, Ёлка, Стас П'еха, Дыяна Арбеніна, Уладзімір Праснякоў і іншыя.

Тэмы:
Конкурс НТБ и Sputnik "Ты супер!" (58)
Тэги:
Расія, Марыя Хархаль, "Ты супер"

Галоўныя тэмы