МІНСК, 26 кра – Sputnik. Чытачы японскага бізнес-часопіса President Online звярнуліся з удзячнасцю да расійскага прэзідэнта Уладзіміра Пуціна за уведзены ім трэнд на сабак пароды акіта-іну ў Расіі. Наведвальнікі партала выказалі меркаванне, што сабакі гэтай пароды адчуваюць сябе камфортней у Расіі, чым у Японіі, цытуе РІА Навіны.
Гаворка ідзе пра сабаку па мянушцы Юмэ, што ў перакладзе азначае "Мара". Гадаванца пароды акіта-іну Уладзіміру Пуціну прэзентаваў у 2012 годзе губернатар прэфектуры Акіта Норыхіса Сатакэ ў знак падзякі за дапамогу ў ліквідацыі наступстваў землятрусу.
На думку чытачоў партала, за мінулыя 9 гадоў сабакі гэтай пароды сталі вельмі папулярнымі ў расіян, дзякуючы гадаванцу Пуціна.
Што пішуць японцы пра сабак акіта-іну
"Вялікія сабакі акіта-іну - не для нашага сціснутага жылля. Калі ім добра ў прасторнай і шырокай Расіі - то і добра! Няхай парода развіваецца там!" - напісаў адзін з чытачоў.
"Мне здаецца, што ў Японіі ім цесна і горача. Вось у Расіі прастор і прахалода, і ім там, напэўна, значна лепш", - выказаўся іншы каментатар.
"Прэзідэнт Пуцін! Дзякуй за тое, што трымаеце ў сябе сабаку японскай пароды акіта-іну па імені Юмэ. Гэта выдатна!" - звярнуўся адзін з чытачоў да расійскага лідара.
У каментарыях таксама ўспомнілі і пра іншую "зорную" сабаку той жа пароды, гадаванец па мянушцы Масару належыць фігурыстцы Аліне Загітавай.
Што вядома аб пародзе акіта-іну
У блізкім коле гэтыя буйныя сабакі - надзвычай ласкавыя і прыязныя, яны любяць прымаць удзел ва ўсіх сямейных справах, адчуваць сябе часткай калектыву.
Гэтых сабак не рэкамендуюць заводзіць неспрактыкаваным або нясмелым уладальнікам, паколькі часам у іх бываюць праблемы з паслухмянасцю.
Глядзіце таксама:
- Хвастатыя "псіхолагі" супакойваюць пасажыраў перад палётам - відэа
- Сто дзён да прызыву: як растуць і з кім гуляюць шчанюкі кіналагічнага цэнтра - відэа
- Нюх на каронавірус: унікальны эксперымент з сабакамі праводзяць у Італіі
