Беларусь будзе "азеляняць" эканоміку

© Flickr / Bruce CowanВетрагенератар
Ветрагенератар - Sputnik Беларусь
Падпісацца
Паэтапнае спрашчэнне і аптымізацыя падатковага заканадаўства, выкарыстанне непадатковых эканамічных інструментаў становяцца больш эфектыўнымі ў рэспубліцы з пункту гледжання абароны прыроды.

МІНСК, 9 чэр — Sputnik. Беларусь максімальна зацікаўлена ў развіцці "зялёнай" эканомікі і разглядае яе як стратэгічны метад рашэння сістэмных праблем, заявіў міністр прыродных рэсурсаў і аховы навакольнага асяроддзя рэспублікі Андрэй Каўхута.

Беларускі міністр прымае ўдзел у канферэнцыі "Навакольнае асяроддзе для Еўропы", якая праходзіць у Батумі (Грузія).

"Мы максімальна зацікаўлены ў развіцці "зялёнай" эканомікі і разглядаем яе як стратэгічны метад рашэння сістэмных праблем, праблем забеспячэння бяспекі прыродных рэсурсаў, занятасці насельніцтва і ў цэлым канкурэнтаздольнасці. Ужо сёння мы перайшлі ад дэкларацыі да паслядоўных мер і мерапрыемстваў па ўкараненні механізмаў "азелянення" эканомікі", — падкрэсліў міністр.

Перспектыўнымі з гэтага пункту гледжання напрамкамі Каўхута бачыць будаўніцтва, устойлівую і высокапрадукцыйную сельскую гаспадарку, фарміраванне "разумных" гарадоў, развіццё экалагічнай сертыфікацыі сістэмы кіравання навакольным асяроддзем, а таксама экалагічных стандартаў і маркіроўкі.

"Важная роля ў заахвочванні "зялёнага" росту надаецца эканамічным інструментам. Беларусь ажыццяўляе рэформы, закліканыя зрабіць такія інструменты больш эфектыўнымі з пункту гледжання аховы навакольнага асяроддзя. Гэта паэтапнае спрашчэнне і аптымізацыя падаткавага заканадаўства, выкарыстанне непадатковых эканамічных інструментаў, звязаных з прадукцыяй: закладна-зваротнай сістэмай і пашырэннем адказнасці вытворцаў", — прадоўжыў кіраўнік Мінпрыроды.

Міністр таксама распавёў, што неўзабаве плануецца ўкараненне ў рэспубліцы дзяржаўных "зялёных" закупак тавараў, работ і паслуг. Беларусь зацікаўлена і ў інвестыцыях у экалагічна чыстую вытворчасць.

Нацыянальны план дзеянняў па ўкараненні прынцыпаў "зялёнай" эканомікі будзе распрацаваны сёлета, Каўхута назваў яго новым этапам парадку дня краіны.

Стужка навiн
0