04:31 16 кастрычніка 2018
«Радыё Sputnik»
  • USD2.12
  • EUR2.46
  • 100 RUB3.23
Нобелеўская прэмія

Ахматава магла атрымаць Нобелеўскую прэмію па літаратуры

CC BY 2.0 / deltaenthalpy / Picture 104
Галоўнае
Атрымаць кароткую спасылку
3810

Ахматава магла атрымаць Нобелеўскую прэмію па літаратуры ў 1966 годзе замест Закс і Агнона.

МІНСК, 3 сту — Sputnik. Руская паэтка Ганна Ахматава магла атрымаць Нобелеўскую прэмію па літаратуры ў 1966 годзе замест вядомых аўтараў Нэлі Закс і Шмуэль Агнона, вынікае з дакументаў, апублікаваных на сайце Шведскай акадэміі, якая прысуджае прэмію, паведамляюць РІА Навіны.

Паэтка Закс, якая нарадзілася ў Берліне, і ізраільскі пісьменнік Агнон падзялілі літаратурную прэмію ў 1966 годзе — "за выдатныя лірычныя і драматычныя творы, якія даследуюць лёс яўрэйскага народа" і "за глыбока арыгінальнае мастацтва апавядання, навеянае яўрэйскімі народнымі матывамі" адпаведна. Пры ўручэнні прэміі спісы кандыдатаў засакрэчваюцца на 50 гадоў.

Паводле апублікаваных у панядзелак архіўных дакументах, лаўрэатамі ў той год маглі стаць і некалькі рускамоўных аўтараў, у тым ліку Ахматава, Канстанцін Паустоўскі, а таксама Уладзімір Набокаў.

У спісе кандыдатаў прадстаўлены таксама аўтары, якія атрымалі прэмію пазней, напрыклад, Сэмюэль Бэкет, Пабла Няруда, Генрых Бёль і Ясунарі Кавабата.

У 2016 годзе стала вядома, што кандыдатура Ахматавай разглядалася і ў 1965 годзе, аднак тады быў абраны Міхаіл Шолахаў — "за мастацкую сілу і цэласнасць эпасу аб Данскім казацтве ў пераломны для Расіі час".

Ганна Ахматава — паэтка, адна з самых яркіх прадстаўніц Срэбнага стагоддзя рускай паэзіі. Нарадзілася ў 1889 годзе ў горадзе Вялікі Фантан пад Адэсай. У 1910 году Ганна выйшла замуж за паэта Мікалая Гумілёва (1886-1921), у 1912 годзе ў яе нарадзіўся сын Леў Гумілёў (1912-1992), які стаў пасля вядомым гісторыкам і этнографам. Ахматова памерла ў 1966 годзе ў Падмаскоўі. Пахаваная ў Камарова, пад Пецярбургам.

Тэги:
Нобелеўская прэмія, Літаратура, Ахматава, Нобель, Швецыя
Правілы карыстанняКаментары

Галоўныя тэмы