Зніжаны тарыфы на электрычнасць для прыватных дамоў з электракатламі

CC BY 2.0 / Geoffrey Gallaway / Sarah and NibbleЖанчына з кошкай ля батарэі
Жанчына з кошкай ля батарэі - Sputnik Беларусь
Падпісацца
З 1 студзеня да тарыфаў на электраэнергію, якая выкарыстоўваецца для ацяплення і падагрэву вады, будуць прымацца паніжальныя каэфіцыенты ў залежнасці ад перыяду нагрузак.

МІНСК, 3 сту — Sputnik. Тарыфы на электрычную энергію для насельніцтва, якая выкарыстоўваецца для патрэб ацяплення і гарачага водазабеспячэння з далучанай сумарнай магутнасцю больш за 5 кВт, зніжаны ў Беларусі з 1 студзеня 2017 года, паведамілі Sputnik ў ВА "Белэнерга".

Там нагадалі, што тарыфы на электрычную і цеплавую энергію для насельніцтва ўстаноўлены пастановай Саўміна №1035 ад 16 снежня 2016 года.

"Для стымулявання выкарыстання насельніцтвам электрычнай энергіі для мэтаў ацяплення і гарачага водазабеспячэння дыферэнцыраваныя ўзроўні тарыфаў на электрычную энергію для патрэб ацяплення і гарачага водазабеспячэння для насельніцтва з далучанай (сумарнай) магутнасцю абсталявання больш за 5 кВт зніжаны", — растлумачылі ў Белэнерга.

У прыватнасці, з 1 студзеня 2017 года ў перыяд мінімальных нагрузак (з 23:00 да 06:00) тарыф складзе 0,0831 рубля за 1 кВтг, тарыф разлічаны з прымяненнем паніжальнага каэфіцыента 0,7. Для параўнання, з 1 ліпеня 2016 года тарыф складаў 0,1188 рубля за 1 кВт г.

У астатні час сутак будзе дзейнічаць тарыф у памеры 0,1544 рубля за 1 кВт г (паніжальны каэфіцыент 0,43). Раней, з 1 ліпеня 2016 года, тарыф складаў 0,3564 рубля. Больш падрабязна з тарыфамі на электраэнергію для насельніцтва можна азнаёміцца на сайце Белэнерга.

Стужка навiн
0