МІНСК, 15 лют — Sputnik. Амерыканскі прадпрымальнік, кіраўнік кампаній Tesla і SpaceX Ілон Маск адправіць на гэтых выхадных у космас для тэстаў інтэрнэт-спадарожнікі.
Маск даўно заяўляў пра сваё жаданне запусціць сетку нізкаарбітальных спадарожнікаў, якія прадстаўляюць высакахуткасны інтэрнэт па ўсім свеце. Нарэшце, у лютым ён запусціць два тэставыя прататыпы — яны гатовыя да пачатку працы.
Па дадзеных амерыканскіх СМІ, першыя інтэрнэт-спадарожнікі будуць накіраваныя на арбіту ўжо ў гэтыя выхадныя. Найбольш верагодная дата запуску носьбіта з Microsat-2a і Microsat-2b — будучая субота. Запушчаныя яны будуць на ракеце Falcon 9.
Калі запуск спадарожнікаў пройдзе паспяхова, поўнамаштабнае стварэнне сеткі інтэрнэт-спадарожнікаў можа распачацца ўжо з пачатку наступнага года.
Цалкам праект па стварэнні сеткі інтэрнэт-спадарожнікаў Маск плануе завяршыць да 2024 года. Па самых сціплых падліках, праект будзе каштаваць каля дзесяці мільярдаў долараў, аднак Маск чакае вялікага прыбытку — яго ён хоча накіраваць на праграму асваення Марса.
Тыдзень таму Маск адправіў у космас ракету Falcon Heavy з электракарам Tesla. Зараз машына выведзена на арбіту Зямлі і ўжо занесеная ў рэестр касмічных аб'ектаў. Эксцэнтрычны запуск некалькі дзён заставаўся адной з галоўных тэм для абмеркавання ў сацыяльных сетках.
