МІНСК, 5 мая — Sputnik. Участак аўтатрасы "Мінск — Маладзечна — Нарач" каля ГКХ "Лінія Сталіна" будзе зачынены на тры дні ў сувязі са святкаваннем там Дня Перамогі, паведамілі Sputnik ва УДАІ УУС Мінскага аблвыканкама.
Аўтааматары, якім будзе неабходна патрапіць у Маладзечанскі раён, змогуць аб'ехаць закрыты ўчастак дарогі.
"У сувязі з правядзеннем у гісторыка-культурным комплексе "Лінія Сталіна" ўрачыстых мерапрыемстваў, прымеркаваных да Дня Перамогі, а таксама з мэтай забеспячэння бяспекі ўдзельнікаў дарожнага руху, на аўтадарозе Р-28 "Мінск — Маладзечна — Нарач"у межах Мінскага раёна ў перыяд з 7 па 9 мая 2016 года з 10:00 да 20:00 будзе зменена схема арганізацыі дарожнага руху", — сказалі ў ДАІ.
Там таксама паведамілі, што аб'езд з боку Мінска будзе арганізаваны праз дарогі Н-8949 (Заслаўе — Боўблі) і М-14 (другая кальцавая дарога).
Паводле звестак ДАІ, для рэгулявання руху на прылеглых да ГКК дарогах будуць працаваць нарады ДПС і ўсталююць дадатковыя дарожныя знакі. У Дзяржаўтаінспекцыі рэкамендавалі кіроўцам строга выконваць сігналы рэгуліроўшчыкаў, быць уважлівымі і дысцыплінаванымі на паказаным участку трасы Р-28.
