23:31 19 жніўня 2017
«Радыё Sputnik»
Навальніца ў Мінску

Гідрамет: з-за моцнага ветру абвешчаны аранжавы ўзровень небяспекі

© Фото: Константин Харламов
Прырода
Атрымаць кароткую спасылку
10 0 0

Сіноптыкі папярэджваюць, што пры навальніцах парывы ветру будуць дасягаць 15-20 метраў за секунду.

МІНСК, 6 кра — Sputnik. Шквалістае ўзмацненне ветру чакаецца па Беларусі ўвечары 6 красавіка, у сувязі з чым абвешчаны аранжавы ўзровень небяспекі, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Раней у Гідрамеце праінфармавалі, што на Беларусі захаваецца цёплае надвор'е, аднак месцамі чакаюцца дажджы і навальніцы.

"Сёння, 6 красавіка, у перыяд з 16:00 да 22:00 па большай частцы тэрыторыі рэспублікі і ў Мінску чакаюцца навальніцы, пры навальніцах месцамі шквалістае ўзмацненне ветру парывамі да 15-20 метраў за секунду", — сказалі ў Гідрамеце.

Там таксама паведамілі, што ў сувязі з неспрыяльнымі ўмовамі надвор'я ў рэспубліцы абвешчаны аранжавы ўзровень небяспекі.

Паводле дадзеных Гідрамета, ноччу 7 красавіка навальніцы чакаюцца па ўсходзе рэспублікі.

Аранжавы ўзровень небяспекі абвяшчаюць, калі надвор'е ўяўляе сур'ёзную пагрозу: пры шквалістага вятрах, ліўнях, навальніцах, градзе, спякоце, маразах, завеях і снегападах — з'явах, якія могуць негатыўна паўплываць на сацыяльна-эканамічную дзейнасць і прывесці да значнага матэрыяльнага ўрону, а таксама чалавечым ахвярам.

Тэги:
Прагноз надвор'я, Надвор'е, МНС Беларусі, Гідраметэацэнтр Рэспублікі Беларусь, Беларусь
Правілы карыстанняКаментары

Галоўныя тэмы