МІНСК, 3 кас — Sputnik. Аранжавы ўзровень небяспекі аб'явілі на аўторак у Беларусі, паведамілі Sputnik у рэспубліканскім Гідрамеце.
Пасля цёплых выходных у Беларусь зноў прыйшло пахаладанне: слупкі тэрмометраў днём падымаюцца да 15-18 градусаў, а далей плануецца зніжэнне тэмпературы. Таксама сіноптыкі абяцаюць дажджы і моцныя парывы ветру.
Так, на аўторак 4 кастрычніка быў аб'яўлены перадапошні, аранжавы ўзровень небяспекі. Паводле дадзеных Гідрамета, вецер прагназуецца з хуткасцю 5-10 м/с, пры гэтым магчымыя парывы 15-20 м/с.
У аўторак на большай частцы тэрыторыі пройдуць дажджы, у некаторых раёнах — моцныя. Раніцай і вечарам магчымы туман. Тэмпература паветра ўначы складзе 6-12 градусаў вышэй за нуль, а ўдзень 7-13 градусаў, па паўднёвым усходзе — да 17 цяпла.
