МІНСК, 16 сак — Sputnik. Моцны мокры снег прайшоў раніцай 16 сакавіка ў Пінску, карыстальнікі сацыяльных сетак пачалі дзяліцца фатаграфіямі заснежанага горада.
Моцны снегапад пачаўся каля 10:00 і істотна пагоршыў дарожную абстаноўку ў горадзе, па словах аўтамабілістаў, бачнасць пры руху не перавышала 100 метраў.
Як пішуць у сацыяльных сетках пінчукі, снег з-за цёплага надвор'я хутка раставаў і літаральна праз 15 хвілін яго ўжо не засталося.
Як раней паведамілі сіноптыкі, у чацвер 16 сакавіка на большай частцы тэрыторыі Беларусі чакаюцца кароткачасовыя ападкі — дождж з мокрым снегам, а максімальная тэмпература паветра днём складзе +3..+9°С.
