МІНСК, 8 жні — Sputnik. Паведамленні аб анамальнай спякоце ў Японіі апошні месяц не сыходзяць са старонак газет: сусветныя СМІ паведамілі пра гібель 9 чалавек за апошні тыдзень і пяці тысячах шпіталізаваных.
У мінулым годзе з-за спёкі ў Японіі загінулі больш за 100 чалавек, дзясяткі тысяч трапілі ў бальніцы.
Крытычная для японцаў тэмпература ўсталявалася ў канцы ліпеня — стрэлка тэрмометра вагалася на ўзроўні плюс 35-ці. Большасць смерцяў зарэгістравана ў цэнтральных і заходніх раёнах Японіі. Сярод пацярпелых больш за 50% — гэта людзі сталага ўзросту, якія занадта шчыравалі з працай у садзе або эканомілі на кандыцыянеры.
Беларусам таксама не варта расслабляцца — атмасферны фронт нанясе на гэтым тыдні спякотны ўдар і па рэспубліцы, папярэджвае начальнік службы гідраметэапрагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Ён прагназуе, што ў дзённы час 10 жніўня (чацвер) па паўднёвым захадзе краіны, а 11 жніўня (пятніца) на большай частцы тэрыторыі максімальная тэмпература паветра дасягне плюс 30-34 градусаў. 11 жніўня месцамі па Брэсцкай вобласці паветра прагрэецца да 35 градусаў.
Медыкі заклікаюць людзей ужываць як мага больш вадкасці, насіць галаўныя ўборы і імкнуцца не праводзіць шмат часу пад сонцам.
