МІНСК, 7 вер — Sputnik. З суботы на тэрыторыю Беларусі пачнуць паступаць цёплыя паветраных масы з паўднёвага захаду Еўропы, а гэта значыць, што надвор'е пойдзе на папраўку, далі зразумець у Белгідраметцэнтры.
"У суботу будзе пераважна без ападкаў, толькі ў асобных раёнах па поўначы рэспублікі чакаюцца невялікія кароткачасовыя дажджы, уначы і раніцай слабы туман. Тэмпература ўначы складзе +6..+13°С, удзень ад +17°С па поўначы да +25°С па поўдні краіны", — распавёў начальнік службы метэаралагічных прагнозаў Белгідрамета Мінпрыроды Дзмітрый Рабаў.
У Мінску, які ў суботу працягне адзначаць 950-годдзе, удзень абяцаюць пераменную воблачнасць і без ападкаў, паўднёвы вецер 4-9 м/с. Уначы і раніцай слабы туман. Тэмпература паветра ўначы +10..+12°С, удзень +20..+22°С.
У нядзелю, калі ў сталічным парку "Перамога" на Дзень танкістаў збяруцца аматары кампутарнай гульні WoТ, сіноптыкі абяцаюць воблачнае з праясненнямі надвор'е. Уначы без істотных ападкаў, кароткачасовы дождж магчымы толькі ў другой палове дня. Вецер паўднёвы 4-9 м/с, удзень парывы да 14 м/с. Тэмпература ўначы +12..+14°С, удзень +22..+24°С.
Аднак заўтра ўмовы надвор'я будуць вызначаць атмасферныя франты і няўстойлівая паветраная маса, папярэдзілі ў Белгідрамеце. Таму ўначы на большай частцы тэрыторыі, а ўдзень у асобных раёнах пройдуць дажджы. Раніцай месцамі слабы туман. Тэмпература ўначы +6..+12°С, удзень +13..+19°С.
