МІНСК, 20 вер — Sputnik. Прахалоднае сырое надвор'е захаваецца на Беларусі ў сераду 20 верасня — тэмпература паветра днём не перавысіць +19°С, паведамілі Sputnik у Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.
Зараз надвор'е па рэспубліцы вызначаюць атмасферныя франты, паводле інфармацыі сіноптыкаў, яно пачне мяняцца ўжо ў чацвер.
"У сераду будзе воблачна з праясненнямі, па большай частцы тэрыторыі Беларусі пройдуць кароткачасовыя дажджы", — сказалі ў Гідрамеце.
Там таксама паведамілі, што максімальная тэмпература паветра днём складзе ад +13 да +19°С.
У Мінску ў сераду таксама пройдзе кароткачасовы снег, а слупкі тэрмометраў не падымуцца вышэй за +16°С.
Паводле дадзеных Гідрамета, ужо 21 верасня ў краіну пачне паступаць цёплае паветра: у чацвер па паўднёвым усходзе краіны чакаецца да +25°С.
