Гідрамет: у пачатку наступнага тыдня ў Беларусі пацяплее

© Sputnik / Константин Чалабов / Перайсці ў медыябанкДзяўчынка на арэлях, архіўнае фота
Дзяўчынка на арэлях, архіўнае фота - Sputnik Беларусь
Падпісацца
Па прагнозах сіноптыкаў, у панядзелак чакаецца павышэнне тэмпературы паветра да 19 градусаў.

МІНСК, 15 кас — Sputnik. Сіноптыкі абяцаюць пацяпленне на тэрыторыі Беларусі, цёплае паветра ідзе з Заходняй Еўропы, паведамілі ў Гідрамеце.

На мінулым тыдні на тэмпературны фон у краіне ўплывалі паветраныя масы, якія паступаюць з Балтыйскага мора, ішлі дажджы і было халаднавата.

"16 кастрычніка на тэрыторыю рэспублікі пачне паступаць больш цёплая паветраная маса з Заходняй Еўропы", — паведамілі Sputnik у нядзелю сіноптыкі.

Па іх словах, у некаторых паўночных раёнах рэспублікі чакаюцца невялікія дажджы, месцамі згусціцца туман.

Тэмпература паветра ўначы будзе +5..+11°С, удзень +10..+16°С, па паўднёвым захадзе +17..+19°С, сказалі ў Гідрамеце.

Сёння на працягу дня ў Беларусі будзе воблачна з праясненнямі, месцамі пройдуць невялікія кароткачасовыя дажджы, вецер будзе заходні, паўночна-заходні парывісты, у асобных раёнах моцны парывісты. Максімальная тэмпература паветра +11..+17°С.

У Мінску — без істотных ападкаў (верагоднасць ападкаў 10-20%). Вецер заходні, паўночна-заходні парывісты. Максімальная тэмпература паветра +12..+14°C, сказалі ў Гідрамеце.

Стужка навiн
0