Сіноптыкі паабяцалі ў панядзелак у Мінску мокры снег

© Sputnik / Григорий Сысоев / Перайсці ў медыябанкМокры снег
Мокры снег - Sputnik Беларусь
Падпісацца
Цяплей за ўсё 13 лістапада ў Беларусі было ў Брэсце ў 1996 годзе - тады паветра ў дзённыя гадзіны прагрэлася да +15,5°C.

МІНСК, 13 ліс — Sputnik. Воблачнае з ападкамі надвор'е паабяцалі сіноптыкі на 13 лістапада. Спецыялісты папярэдзілі пра складаныя метэаўмовы ў некаторых раёнах Беларусі, у прыватнасці, у Магілёве з-за туману бачнасць не перавысіць 300 метраў.

"13 лістапада на большай частцы тэрыторыі краіны чакаюцца ападкі ў выглядзе мокрага снегу і дажджу", — сказалі Sputnik у панядзелак у Гідрамеце.

Па словах сіноптыкаў, у асобных раёнах прагназуюцца моцныя ападкі, магчыма наліпанне мокрага снегу, максімальная тэмпература паветра +7°С. 

Адносна надвор'я ў сталіцы ў панядзелак у Гідрамеце паведамілі, што сёння ў Мінску чакаюцца ападкі ў выглядзе мокрага снегу, дажджу. Тэмпература паветра складзе +1..+3°С.

Сіноптыкі таксама адзначылі, што ў некаторых раёнах магчымыя неспрыяльныя ўмовы надвор'я, у прыватнасці, у Магілёве сёння будзе назірацца туман, бачнасць на дарогах складзе не больш за 300 метраў. У Мсціславе чакаецца галалёд.

Распавядаючы пра сінаптычныя рэкорды ў гэты дзень за апошнія 100 гадоў, суразмоўцы Sputnik паведамілі, што халадней за ўсё 13 лістапада было ў Бабруйску ў 1993 годзе, калі тэмпературны слупок апусціўся да —19,4°С, а цяплей за ўсё — у 1996 годзе ў Брэсце, тады паветра ў дзённыя гадзіны прагрэлася да +15,5°C.    

Стужка навiн
0