Сіноптыкі паабяцалі беларусам вясну на выхадных - месцамі да + 12°С

© PixabayВярба, архіўнае фота
Вярба, архіўнае фота - Sputnik Беларусь
Падпісацца
Ужо ў панядзелак у асобных раёнах краіны тэмпература паветра ў дзённы час падымецца да +12°C.

МІНСК, 23 сак — Sputnik. Метэаралагічная вясна прыйдзе ў Беларусь у нядзелю, распавяла Sputnik намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Святлана Рыбакова.

Белыя буслы, архіўнае фота - Sputnik Беларусь
Буслоў у Беларусі чакаюць з дня на дзень

"Сярэднясутачная тэмпература паветра ўжо ў панядзелак будзе вышэй за нуль — можна казаць пра тое, што надыходзіць метэаралагічная вясна", — патлумачыла яна.

Па словах метэаролага, у выхадныя надвор'е будзе цалкам камфортным, ападкаў не чакаецца. Аднак на асаблівае цяпло ўсё ж разлічваць не даводзіцца: у начныя гадзіны тэмпература паветра будзе блізкая да нулявых адзнак — стане вагацца ад слаба адмоўных да слаба станоўчых значэнняў.

"Днём у выхадныя паветра будзе прагравацца: дзённыя тэмпературы ў асноўным станоўчыя: ад + 2°С да + 9°С, а па захадзе — да + 11°С", — распавяла яна.

У першай палове наступнага тыдня чакаюцца ападкі ў выглядзе мокрага снегу і дажджу, месцамі — туман, галалёд і галалёдзіца на дарогах. У начныя гадзіны тэмпературы будуць вагацца ў раёне нуля, удзень будзе цяплей.

"Дзённыя тэмпературы за кошт ападкаў і аблокаў будуць слаба станоўчыя: у панядзелак удзень ад + 4°С па ўсходзе да + 12°С цяпла па захадзе краіны. З аўторка па чацвер — ад + 1°С да + 8°С, толькі дзесьці па паўночным усходзе — каля нуля ", — падзялілася метэаролаг.

Стужка навiн
0