МІНСК, 12 кра — Sputnik. Вясновае цяпло вернецца ў Беларусь ужо да выхадных, паведамілі ў чацвер у Белгідрамеце.
Цяпло, якое прыйшло ў Беларусь напачатку красавіка, змянілася прахалодай: другі дзень запар рэспубліка знаходзіцца пад уплывам антыцыклону з Скандынавіі. Зрэшты, сіноптыкі абяцаюць, што цёплае надвор'е неўзабаве вернецца.
Ужо ў пятніцу, 13 красавіка, тэмпература паветра ўначы ў краіне складзе —1.. + 5°C, удзень — +13.. + 18°C, а па поўдні краіны — аж да +19.. + 22°C.
У суботу тэмпература таксама складзе каля 1.. + 8°C уначы, аднак па паўночным усходзе магчымыя замаразкі да —2°C. Удзень слупок тэрмометра можа падняцца да +20.. + 22°C.
У нядзелю будзе яшчэ цяплей: уначы — каля 4.. + 11°C, удзень — +14.. + 20°C, а па поўдні — да + 23°C.
Захаваецца добрае вясновае надвор'е і ў пачатку наступнага тыдня, аднак месцамі ў Беларусі пройдуць кароткачасовыя дажджы і навальніцы.
