14:50 20 лістапада 2018
«Радыё Sputnik»
  • USD2.10
  • EUR2.41
  • 100 RUB3.20
Салавей у мінскім парку

Салаўі ўжо спяваюць: куды ісці, каб паслухаць іх "канцэрты"?

© REUTERS / Vasily Fedosenko
Прырода
Атрымаць кароткую спасылку
Куды пайсці ў Мінску (44)
11 0 0

Пік "канцэртнай дзейнасці" салаўёў прыпадае на сярэдзіну і другую палову мая, але некаторыя могуць спяваць аж да ліпеня.

МІНСК, 21 мая — Sputnik. Салаўі вядомыя ўсім сваім прыгожым спевам, паслухаць салаўіныя пошчакі ўжо могуць і беларусы — птушкі, якія вярнуліся ў канцы красавіка, цяпер на ўсю моц спяваюць па ўсёй краіне, паведамілі ў грамадскай арганізацыі "Ахова птушак Бацькаўшчыны".

"Самая высокая інтэнсіўнасць спеваў салаўёў — май, сярэдзіна і другая палова. Потым салаўі абзаводзяцца нашчадствам, ім становіцца не да спеваў — займаюцца пошукамі ежы", — распавёў Sputnik спецыяліст па прыродаахоўных пытаннях грамадскай арганізацыі "Ахова птушак Бацькаўшчыны" Сямён Левы.

Зрэшты, некаторыя салаўі могуць спяваць аж да ліпеня — у першую чаргу, "халастыя" самцы, якія не абзавяліся парай або страцілі нашчадства або самку.

"Салаўі робяць гнязда на зямлі, таму выбіраюць месцы ў лясах і парках — тыя, куды складана прабрацца людзям або жывёлам. Яшчэ яны аддаюць перавагу месцам, у якіх шмат апалай лістоты", — адзначыў спецыяліст.

Падыходзіць ушчыльную да гнёздаў салаўёў арнітолагі не рэкамендуюць, ды і сэнсу ў гэтым вялікага няма. "Чуваць спевы салаўёў за сорак-пяцьдзесят метраў. Спрабаваць падысці да гнязда нельга — не трэба палохаць птушак", — адзначыў Левы.

Падкормліваць салаўёў таксама не варта: птушкі сілкуюцца ў першую чаргу казуркамі і чарвякамі, а хлеб есці не будуць.

Спевы салаўёў можна паслухаць не толькі за горадам, але і ў гарадскіх парках. Напрыклад, раней пявучых птушак фіксавалі ў Севастопальскім парку, парку Чалюскінцаў, на Чыжоўскім вадасховішчы і ў іншых скверах і парках Мінска. "Ахова птушак Бацькаўшчыны" штогод абнаўляе інтэрактыўную карту "салаўіных канцэртаў".

Тэмы:
Куды пайсці ў Мінску (44)
Тэги:
салавей, Ахова птушак Бацькаўшчыны, Мінск, Беларусь
Правілы карыстанняКаментары

Галоўныя тэмы