19:43 17 жніўня 2018
«Радыё Sputnik»
  • USD2.05
  • EUR2.34
  • 100 RUB3.06
Машыны на ўездзе ў мінск

Паветра ў Мінску пагоршылася з-за засушлівага надвор'я

© Sputnik / Виктор Толочко
Прырода
Атрымаць кароткую спасылку
920

Паветра ў сталіцы і па ўсёй краіне забруджваецца цвёрдымі часціцамі з-за малой колькасці ападкаў.

МІНСК, 14 чэр — Sputnik. Паветра ў Мінску пагоршылася з-за адсутнасці ападкаў, заявілі ў чацвер у Белгідрамеце.

Май і першая палова чэрвеня ў Беларусі выдаліся па-сапраўднаму засушлівымі: выпала толькі доля ад нормы ападкаў, што ўплывае і на ўраджаі, і на здароўе людзей.

Так, як паведамілі ў чацвер у Белгідрамеце, адсутнасць ападкаў на працягу доўгага перыяду абумовіла павелічэнне ўтрымання цвёрдых часціц у атмасферным паветры Мінска.

"Паводле звестак стацыянарных назіранняў за станам атмасфернага паветра, у перыяд з 7 па 13 чэрвеня ў раёне вуліцы Шчорса максімальная канцэнтрацыя цвёрдых часціц (недыферэнцыяваныя па складзе пыл/аэразоль) складала 2,4 ГДК", — адзначылі ў арганізацыі.

Яшчэ тыдзень таму гэты паказчык у мікрараёне Шабаны, дзе найменш чыстае паветра, быў менш у два разы — 1,1 ГДК.

Пагаршаецца паветра не толькі ў сталіцы, але і па ўсёй краіне. Тыдзень таму перавышэнні нарматываў забруджванняў фіксаваліся ў Магілёве, Наваполацку, Рэчыцы, Светлагорску, Брэсце і Барысаве. Метэаролагі пакуль не паведамляюць дакладных дадзеных па забруджванні паветра па ўсёй краіне на сёння.

Тэги:
Экалогія, Мінск, Беларусь
Правілы карыстанняКаментары

Галоўныя тэмы