Засуха скончылася? Аграметэаролагі чакаюць дажджоў, якія выратуюць глебу

© SputnikСухая трава
Сухая трава - Sputnik Беларусь
Падпісацца
Па словах экспертаў, будучыя дажджы павялічаць утрыманне вільгаці ў глебе па ўсёй краіне; гідролагі чакаюць росту ўзроўню вады ў рэках.

МІНСК, 29 чэр — Sputnik. Утрыманне вільгаці ў глебах па ўсёй Беларусі павялічыцца пасля будучых дажджоў, паведамілі ў Белгідрамеце ў пятніцу.

Грыбы - Sputnik Беларусь
Лясгасы: грыбоў па-ранейшаму няма і пакуль не прадбачыцца

Па словах аграметэаролагаў, дажджы, якія прайшлі, крыху палепшылі сітуацыю з забеспячэннем вільгаццю некаторых раслін, у прыватнасці, кукурузы: на асноўных масівах яна працягвае нарошчваць зялёную масу.

Ападкі, якія чакаюцца экспертамі ў бліжэйшыя дні, павялічаць ўтрыманне вільгаці ў глебах па ўсёй рэспубліцы. Складаныя ўмовы зараз назіраюцца толькі ў некаторых раёнах на захадзе Беларусі; у Гродзенскай вобласці зафіксавана завяданне і пажаўценне раслін.

Гідролагі Цэнтра адзначаюць, што мінулыя дажджы істотна не змянілі ўзровень вады ў рэках (толькі крыху замарудзілі яго спад), аднак будучыя ападкі павінны спрыяць яго росту.

На рост грыбоў і ягад нядаўнія ападкі таксама не аказалі істотнага ўплыву: у лясгасах Беларусі Sputnik паведамілі, што ўраджай гэтага года ў любым выпадку застанецца значна ніжэйшы за той, які атрымалася сабраць у мінулым: грыбоў у лясах па-ранейшаму няма, і ў бліжэйшы час яны не з'явяцца.

Стужка навiн
0