МІНСК, 23 ліп — Sputnik. Дажджлівае надвор'е захаваецца ў Беларусі 23 ліпеня, паведамілі ў Белгідрамеце.
Дажджлівае надвор'е прыйшло ў рэспубліку ў сярэдзіне ліпеня. У некаторых гарадах Беларусі ўжо выпала больш месячнай нормы ападкаў, з-за ліўняў прыкметна пацярпелі Брэст, Гомель і шэраг іншых населеных пунктаў.
Захаваецца дажджлівае надвор'е і ў бліжэйшы панядзелак 23 ліпеня. Па дадзеных сіноптыкаў, на большай частцы тэрыторыі Беларусі пройдуць кароткачасовыя дажджы, а месцамі — навальніцы і моцныя ліўні.
Вецер прагназуецца паўночны ўмераны, пры навальніцах магчымы парывы. Тэмпература паветра ўначы складзе +14..+20, днём +21..+27.
Згодна з папярэднімі прагнозамі, аналагічнае надвор'е будзе назірацца ў Беларусі ўсю першую палову будучага тыдня.
