11:45 15 лістапада 2018
«Радыё Sputnik»
  • USD2.15
  • EUR2.43
  • 100 RUB3.16
Вярблюд у заапарку, архіўнае фота

Мінпрыроды выступіла супраць перасоўнага заапарка "Фламінга"

CC0 / Pixabay / RichardLey
Прырода
Атрымаць кароткую спасылку
14 0 0

Ведамства рэкамендавала мясцовым органам улады не выдаваць "Фламінга" дазволу на правядзенне выстаў.

МІНСК, 2 жні — Sputnik. Міністэрства прыродных рэсурсаў і аховы навакольнага асяроддзя адказала на запыт актывістаў датычна лёсу скандальнага перасоўнага заапарка "Фламінга".

Перасоўны заапарк стаў прычынай некалькіх рэзанансных публікацый: і ў мінулым годзе, і ў гэтым шмат людзей паведамлялі аб жудасных умовах утрымання жывёл. Актывісты пісалі зварот у Мінпрыроды з заклікам канфіскаваць звяроў і забараніць заапарк.

Ведамства на зварот актывістаў адказала — ліст за подпісам намесніка міністра Аляксандра Корбута быў апублікаваны на сайце з анлайн-петыцыямі. У ведамстве сапраўднасць ліста пацвердзілі.

Як гаворыцца ў лісце, па дзейсным заканадаўстве канфіскаваць жывёл немагчыма — зрэшты, Мінпрыроды ініцыюе адпаведныя змены ў нарматыўна-прававых актах. Акрамя таго, ведамства рэкамендавала мясцовым органам улады не выдаваць дазволу на выставы гэтага перасоўнага заапарка.

Як нагадалі Sputnik у ведамстве, грамадзян, калі яны ўбачаць перасоўны заапарк, просяць паведамляць пра гэта ў тэрытарыяльныя камітэты аховы навакольнага асяроддзя — для таго, каб спецыялісты маглі правяраць умовы ўтрымання звяроў і ведаць пра месцазнаходжанне скандальнага заапарка.

Тэги:
перасоўны заапарк, Міністэрства прыродных рэсурсаў і аховы навакольнага асяроддзя РБ, Беларусь
Правілы карыстанняКаментары

Галоўныя тэмы