МІНСК, 4 вер — Sputnik. Павукі тарантулы былі заўважаны на ферме ў аграгарадку Дуброва ў Светлагорскім раёне, паведаміла газета "Ранак".
Па словах відавочцаў, гэты від павукоў сталі часта заўважаць на тэрыторыі жывёлагадоўчага комплексу. Раней яны таксама жылі на гэтай ферме, але ў бягучым годзе павукоў стала на парадак больш.
Як распавёў газеце адзін з мясцовых жыхароў, некаторыя работнікі фермы баяцца гэтых павукоў і рэгулярна іх знішчаюць, хоць выпадкаў укусаў людзей пакуль зафіксавана не было.
Паводле інфармацыі НПЦ "НАН Беларусі па біярэсурсах" паўднёварускія тарантулы, якія жывуць пад Светлагорскам, могуць дасягаць у дыяметры пяці сантыметраў, сілкуюцца яны ў асноўным насякомымі і жывуць у глыбокіх норках. Дадзены від павукоў атрутны — яго ўкус па ўздзеянні на чалавека можна параўнаць з укусам шэршняў.
Небяспеку паўднёварускія тарантулы могуць прадстаўляць для людзей, у якіх на іх яд ёсць алергічная рэакцыя — у гэтым выпадку пацярпеламу неабходна аператыўна прыняць антыгістамінны сродак.
