07:23 14 лістапада 2018
«Радыё Sputnik»
  • USD2.14
  • EUR2.41
  • 100 RUB3.17
Дрэва, што ўпала падчас урагану дрэва

МНС: штармпапярэджанне працягвае дзейнічаць ва аўторак 25 верасня

© Фото : МЧС Беларуси
Прырода
Атрымаць кароткую спасылку
1110

У МНС заклікалі грамадзян у выпадку якіх-небудзь няштатных сітуацый аператыўна звяртацца на лінію "112".

МІНСК, 25 вер — Sputnik. Абвешчанае ў Беларусі ў сувязі з прыходам цыклона "Фаб'ен" штармавое папярэджанне працягвае дзейнічаць у рэспубліцы ў аўторак 25 верасня, паведамілі ў Міністэрстве па надзвычайных сітуацыях.

Цыклон прайшоў па тэрыторыі краіны напярэдадні, аднак не выклікаў істотных парушэнняў у жыццядзейнасці: адзначаліся падзенні дрэў, у тым ліку на аўтамабілі, фіксаваліся адключэнні электрычнасці. Па апошніх дадзеных, ніхто з людзей у выніку моцнага ветру не пацярпеў.

"МНС нагадвае аб дзеючым штармавым папярэджанні Белгідрамета і заклікае ўсіх быць пільнымі, асцярожнымі, не паркаваць аўтамабілі пад дрэвамі", — паведамілі ў міністэрстве.

Там таксама заклікалі грамадзян у выпадку якіх-небудзь няштатных сітуацый аператыўна звяртацца на лінію "112".

Паводле звестак Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя, у аўторак у Беларусі ветранае надвор'е захаваецца — парывы будуць дасягаць хуткасці 15-20 метраў у секунду. Чакаецца, што ўдзень пройдуць кароткачасовыя дажджы, а тэмпература паветра падымецца не вышэй за + 13°C.

Тэги:
Аранжавы ўзровень небяспекі, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, МНС Беларусі, Беларусь
Правілы карыстанняКаментары

Галоўныя тэмы