МІНСК, 13 ліс - Sputnik. Дождж і мокры снег прагназуюць сіноптыкі на сераду. Месцамі чакаюцца моцныя ападкі. Воблачнае надвор'е прынясуць у Беларусь актыўныя атмасферныя франты, якія ссоўваюцца на тэрыторыю краіны з Заходняй Еўропы.
Сіноптыкі папярэджваюць, што па ўсходняй палове краіны ў асобных раёнах магчыма наліпанне мокрага снегу.
Тэмпература паветра складзе ад -4..+2°С уначы да -2°С па ўсходзе і +9°С па захадзе краіны ўдзень. Атмасферны ціск уначы будзе падаць, удзень слаба расці.
У чацвер таксама будзе пахмурна. Уначы і раніцай на большай частцы тэрыторыі, удзень - месцамі, пройдуць кароткачасовыя ападкі ў выглядзе дажджу і мокрага снегу. У асобных раёнах магчымы туман, уначы і раніцай галалёд.
Тэмпература паветра на працягу сутак будзе змяняцца ад -2°С да +5°С. Пры гэтым на ўсходзе краіны будзе халадней, уначы слупок тэрмометра можа апусціцца да -3..-5°С. Між тым у заходніх раёнах удзень можа быць да +6..+7°С.
Дзяржаўтаінспекцыя ў сувязі са зменай надвор'я - ападкамі і пахаладаннем - папярэджвае аб магчымасці з'яўлення на асобных участках дарог галалёдзіцы і заклікае вадзіцеляў быць максімальна ўважлівымі за рулём. ДАІ рэкамендуе выбіраць аптымальную хуткасць і тармазіць пры ўключанай перадачы, не дапускаць рэзкіх манеўраў, максімальна зніжаць хуткасць пры праходжанні паваротаў, а таксама быць максімальна ўважлівымі пры пад'ездзе да пешаходных пераходаў - з-за частага тармажэння аўтамабіляў там можа ўтварацца наледзь.
