МІНСК, 21 ліс - Sputnik. Галалёдзіца чакаецца на асобных участках дарог Беларусі ў сераду 21 лістапада, паведамілі ў аўторак у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Пахаладанне прыйшло ў рэспубліку ўслед за паступленнем на тэрыторыю краіны паветраных мас з поўначы Расіі: чакаецца, што ў бліжэйшыя дні начныя тэмпературы апусцяцца ніжэй за адзнаку -10°С.
"У сераду 21 лістапада на асобных участках дарог рэспублікі чакаецца галалёдзіца", - сказалі ў Гідрамеце.
Там таксама паведамілі, што ў сувязі з гэтым у краіне абвешчаны жоўты ўзровень небяспекі.
Раней у Дзяржаўтаінспекцыі неаднаразова папярэджвалі кіроўцаў пра тое, што варта загадзя, не чакаючы устаноўленага ПДР тэрміну, замяніць шыны аўтамабіляў на зімовыя.
