Салодкія, як з Афрыкі: дзе вырошчваюць беларускія бананы

© Sputnik / Максим БогдановичБанан з беларускай прапіскай дае ўраджай двойчы на год
Банан з беларускай прапіскай дае ўраджай двойчы на год - Sputnik Беларусь
Падпісацца
Аграномы адной са сталічных фабрык не могуць нарадавацца: расліна настолькі непатрабавальная ў доглядзе, што пладаносіць нават зімой.

Мінская фабрыка агародніны ўжо пяць гадоў дзеля эксперыменту вырошчвае бананы. Плады з беларускай прапіскай, пераконваюць аграномы, салодкія, як у Афрыцы. Больш за тое, яны настолькі непатрабавальныя, што пладаносяць нават у халодную зіму.

Карэспандэнты Sputnik даведваліся, ці з'явяцца бананы з ярлыком "зроблена ў Беларусі" на прылаўках нашых магазінаў.

Гэта вам не офіс

Бананы на фабрыцы - мясцовая знакамітасць. Калі яны толькі з'явіліся на прадпрыемстве, паглядзець на іх прыходзілі, як на экскурсію, усе супрацоўнікі. Зараз людзі прызвычаіліся да экзотыкі, але ставяцца да яе з цеплынёй.

А прыехалі на беларускую зямлю бананы з ... Бранскай вобласці. Там пяць гадоў таму пабываў дырэктар Мінскай фабрыкі агародніны Уладзімір Парчэўскі з рабочым візітам і атрымаў у падарунак ад расійскіх калегаў некалькі парасткаў экзатычных раслін.

© Sputnik / Максим БогдановичУ цяпліцы на Мінскай фабрыцы агародніны вырошчваюць дэсертны гатунак - ён больш салодкі, чым тыя, што прадаюцца ў крамах
Салодкія, як з Афрыкі: дзе вырошчваюць беларускія бананы - Sputnik Беларусь
У цяпліцы на Мінскай фабрыцы агародніны вырошчваюць дэсертны гатунак - ён больш салодкі, чым тыя, што прадаюцца ў крамах

"Яны таксама займаліся імі ў якасці эксперыменту. Нам перадалі гранат, лімон і банан. Але больш удала за ўсё гісторыя склалася ў апошняга", - распавядае Sputnik галоўны аграном па ахове раслін фабрыкі Аляксандр Радушкевіч.

Адправілі банан ў цяпліцу па размнажэнні фітаселіуса - жучка, які знішчае шкоднікаў. Тут заўсёды цёпла і вільготна, як увесну, і пахне агародам. А клапоцяцца пра "родненькіх афрыканцаў" работніцы, якія разводзяць жучкоў.

"Ой, гэта нашы ўлюбёнцы!" - прызнаюцца яны.

© Sputnik / Максим БогдановичЗа год банан паспявае вырасці да столі і даць першы ўраджай
Салодкія, як з Афрыкі: дзе вырошчваюць беларускія бананы - Sputnik Беларусь
За год банан паспявае вырасці да столі і даць першы ўраджай

"Увесну бананы так разрастаюцца, што цяпліца ператвараецца ў джунглі. У нас абедзенны столік за дрэвамі знаходзіцца - так чалавека не відаць", - распавядае аграном па ахове раслін Павел Трубчык.

Гатунак, які вырошчваюць у Мінску, часцей сустракаецца ў тропіках. Па гусце беларускі банан, кажуць супрацоўнікі, вельмі салодкі - у краме такі паспрабуй знайдзі. Справа ў тым, што ў цяпліцы вырошчваюць дэсертны гатунак, а на прылавак часцей за ўсё трапляе кармавы.

"Бананы, што ў краме прадаюць, у малпаў адабралі і прывезлі да нас", - жартуе з гэтай нагоды галоўны аграном.

© pixabay / canalcaracasadoВось так квітнее банан
Салодкія, як з Афрыкі: дзе вырошчваюць беларускія бананы - Sputnik Беларусь
Вось так квітнее банан

Банан з беларускай прапіскай дае ўраджай двойчы год. Звычайна гэта адбываецца вясной і восенню. Спачатку ў расліны з'яўляецца вялікі кветка чырванавата-бардовага колеру, з якога фармуецца некалькі галінак. На кожнай да 40 пладоў памерам з палец.

Пад сонцам Беларусі

На беларускай зямлі расце банан, як бамбук. За год паспявае вырасці да столі і даць першы ўраджай. За пяць гадоў на фабрыцы з некалькіх "дачок" выраслі каля 50 дарослых раслін, і яны працягваюць памнажацца.

Расліна непатрабавальная. Ва ўмовах эканоміі "эксперыментальнаму" банану вырашылі не павялічваць колькасць святла. Аднак нягледзячы на беднае беларускае сонца ён плоданасіць нават зімой. У студзені галінкі сфармаваліся ўжо ў дзвюх раслін.

© Sputnik / Максим БогдановичЛімон ў цяпліцы фабрыкі агародніны збіраецца квітнець
Салодкія, як з Афрыкі: дзе вырошчваюць беларускія бананы - Sputnik Беларусь
Лімон ў цяпліцы фабрыкі агародніны збіраецца квітнець

"Гэта ж трава, таму так добра расце", - бачачы наша здзіўленне, звыкла тлумачыць Аляксандр Радушкевіч.

Супрацоўнікі фабрыкі пайшлі на эксперымент: высадзілі парасткі ў вазоны ў сябе дома - так яны вымахалі да дрэў.

Узімку недахоп сонца адбіваецца толькі на вонкавым выглядзе банана. Лісце раслін высахла і стала цёмным. Але ўжо вясной яны аклямаюцца, дадуць новыя парасткі і ператвораць цяпліцу ў сапраўдныя тропікі, запэўнівае аграном.

Цікава, што ніякай "хіміі" тут не выкарыстоўваюць. Беларускія жукі і шкоднікі "афрыканца" абыходзяць бокам, а для пладавітасці яму хапае натуральнага кампоста і гною. Банан расце натуральны і бяспечны.

© Sputnik / Максим БогдановичТрапічнай расліне не хапае святла ў зімовы час, ад гэтага жоўкне лісце. Але з прыходам вясны бананы аклямаюцца
Салодкія, як з Афрыкі: дзе вырошчваюць беларускія бананы - Sputnik Беларусь
Трапічнай расліне не хапае святла ў зімовы час, ад гэтага жоўкне лісце. Але з прыходам вясны бананы аклямаюцца

Не спяшайцеся адкрываць кашалёк

Ну а зараз самае галоўнае пытанне: дзе можна набыць экзатычныя плады, вырабленыя ў Беларусі? На жаль, у продаж яны не паступаюць, адказалі нам на прадпрыемстве.

"Вырошчваем толькі для сябе з мэтай эксперыменту. Хоць гараджане тэлефануюць і просяць прадаць плады - асабліва пасля таго, як выходзяць рэпартажы", - кажа Аляксандр Радушкевіч.

© Sputnik / Максим БогдановичЗа акном мароз, а ў цяпліцах фабрыкі - сапраўдныя тропікі
Салодкія, як з Афрыкі: дзе вырошчваюць беларускія бананы - Sputnik Беларусь
За акном мароз, а ў цяпліцах фабрыкі - сапраўдныя тропікі

Вырошчваць бананы ў прамысловых маштабах фабрыка таксама не плануе. І не чакайце, кажуць суразмоўцы, ужо занадта гэта накладна па кошце.

"Для дадатковай падсветкі трэба нямала электрычнасці. А выхлапу не так ужо шмат", - тлумачыць суразмоўца.

Дарэчы, цяпер "афрыканцамі" у Мінску не здзівіш. Вырошчваюць 5-метровыя расліны дзеля эксперыменту таксама ў Батанічным садзе. Праўда, там бананавыя "ўгоддзі" не такія шырокія, як на фабрыцы. Усё ж створаны бананы не для Беларусі, як бы іх у нас не любілі.

Стужка навiн
0