23:36 03 жніўня 2020
«Радыё Sputnik»
  • USD2.45
  • EUR2.88
  • 100 RUB3.30
Прырода
Атрымаць кароткую спасылку
5310

Спецыялісты ў хуткім часе плануюць пабудаваць плаціны на балоце Дзікае, якому каля шасці тысяч гадоў.

МІНСК, 19 кра - Sputnik. Меліярацыя, якая праводзілася яшчэ ў ХХ стагоддзі, паставіла пад пагрозу існаванне балоты "Дзікае" на тэрыторыі Белавежскай пушчы, паведамілі ў чацвер у эфіры АНТ.

"Балота Дзікае - самая тытулаваная прыродная тэрыторыя ў Беларусі. Як частка Нацыянальнага парку "Белавежская пушча" яно мае статус аб'екта Сусветнай спадчыны і біясфернага рэзервата ЮНЕСКА", - распавялі ў грамадскай арганізацыі "Ахова птушак Бацькаўшчыны".

Акрамя таго, дадзенае балота з'яўляецца тэрыторыяй, важнай для птушак, яно мае міжнароднае значэнне і ахоўваецца прынятай ў 1971 годзе Рамсарскай канвенцыяй. Ва ўсёй Еўропе падобных месцаў каля 1,1 тысячы, з іх 26 знаходзяцца ў Беларусі.

Гідралагічны рэжым Дзікага быў парушаны ў радыусе паўтара-двух кіламетраў, прылеглых да меліярацыйнай зоны. Каб выратаваць балота, тут пабудуюць 25 плацін. Калі ўзровень грунтовых вод падымецца, а вільгаць перастане сыходзіць у палі, навукоўцы спадзяюцца, у балота вернецца жыццё.

Па словах спецыялістаў, балота працуе па прынцыпе губкі: калі ідуць дажджы, яно ўбірае вільгаць і затым паступова аддае. Ратаваць Дзікае разам вырашылі беларускія навукоўцы і супрацоўнікі Франкфурцкага заалагічнага грамадства.

Аднаўленне гідрарэжыму балота Дзікае запланавана ў рамках "Прыродаахоўнага праекта для Белавежскай пушчы", які рэалізуецца пры падтрымцы Міністэрства прыродных рэсурсаў і аховы навакольнага асяроддзя Рэспублікі Беларусь з 2013 года.

Чытайце таксама:

Тэги:
балота, Ахова птушак Бацькаўшчыны, Белавежская пушча

Галоўныя тэмы