Зноў спякота і засуха: прагноз надвор'я ў Беларусі на тыдзень

© Pixabay / kie-kerСолнечное небо, архивное фото
Солнечное небо, архивное фото - Sputnik Беларусь
Падпісацца
У некаторыя дні тэмпература ў рэспубліцы будзе падымацца да +34°С, пры гэтым істотных ападкаў не чакаецца.

МІНСК, 10 чэр - Sputnik. У бліжэйшыя дні надвор'е ў Беларусі будзе гарачае, а ападкаў пераважна не чакаецца, пра гэта паведамілі ў рэспубліканскім гідраметцэнтры ў панядзелак.

Аранжавы ўзровень небяспекі абвясцілі ў Беларусі на 11-12 чэрвеня - Sputnik Беларусь
Аранжавы ўзровень небяспекі абвясцілі ў Беларусі на 11-12 чэрвеня

Паводле прагнозаў, у аўторак 11 чэрвеня ў рэспубліцы будзе суха. Уначы будзе ад +11°С на поўначы да +19°С на поўдні, а ў дзённыя гадзіны паветра прагрэецца у сярэднім па краіне да +27..+33°С - гэта рэкорднае значэнне бягучага лета.

Аналагічныя паказчыкі чакаюцца ў сераду 12 чэрвеня: па дадзеных сіноптыкаў, у гэты дзень кароткачасовыя дажджы (і месцамі навальніцы) магчымыя толькі ў асобных раёнах на поўначы. Уначы будзе +14..+20°С, днём гэтак жа горача, як учора, да +26..+33°С.

Яшчэ на градус вышэй паднімецца тэмпература ў чацвер: пасля абеду ў Беларусі будзе ад +27°С да +34°С (а ўначы не халадней за +16..+21°С).

"Уначы (13 чэрвеня) пераважна без ападкаў, днём у асобных раёнах краіны кароткачасовыя дажджы і навальніцы", - паведамілі спецыялісты.

У другой палове тыдня, па інфармацыі Белгідрамета, ападкаў будзе ненашмат больш. Так, у пятніцу кароткачасовыя дажджы могуць прайсці толькі месцамі, у суботу іх чакаюць пераважна на ўсходзе, у нядзелю - у асобных раёнах на паўднёвым захадзе.

Дзённая тэмпература паветра 14 і 15 чэрвеня захаваецца гэтак жа высокай: пасля абеду паветра прагрэецца да +27..+34°С (крыху халадней будзе на паўночным захадзе - да +24..+26°С). У нядзелю гарачыня адступіць, аднак не занадта прыкметна: дзённай максімум - да +25..+32°С.

Нагадаем, з-за анамальнай спякоты сіноптыкі аб'явілі на аўторак і сераду ў Беларусі аранжавы ўзровень небяспекі.

Стужка навiн
0