20:32 21 ліпеня 2019
«Радыё Sputnik»
  • USD2.03
  • EUR2.28
  • 100 RUB3.22
Жук-алень

Рэдкага жука-аленя шукаюць у Белавежскай пушчы

© "Ахова птушак Бацькаўшчыны"
Прырода
Атрымаць кароткую спасылку
1410

Жук-алень унесены ў Чырвоную кнігу Беларусі, акрамя таго, гэта ахоўны від на міжнародным узроўні, уключаны ў Чырвоныя кнігі многіх краін Еўропы.

МІНСК, 19 чэр - Sputnik. Рэдкі для Беларусі жук-алень можа жыць у Белавежскай пушчы, паведамляе сайт ptushki.org. Доказы гэтаму цяпер шукаюць. Гэта самы буйны жук ў нашай краіне і ва ўсёй Еўропе: самцы дасягаюць васьмі сантыметраў у даўжыню.

Знешнасць у гэтай казуркі трапічная: на галаве ёсць вялікія разгалінаваныя "рогі" (гэта разрослыя верхнія сківіцы).

Самкі па памерах удвая меншыя за самцоў (у іх сківіцы звычайных памераў). Дзякуючы яркаму вонкаваму выгляду любы чалавек можа пазнаць яго адразу.

У Беларусі жук-алень водзіцца ў асноўным на Палессі, хоць ізаляваныя папуляцыі могуць знаходзіцца нават у цэнтральнай частцы краіны. У асобных месцах гэтыя казуркі суседнічаюць з людзьмі. Да прыкладу, бачылі жука-аленя ў Мазыры. Часта яго можна сустрэць проста на дрэвах, якія растуць у двары.

Паведамляецца таксама, што жук-алень унесены ў Чырвоную кнігу Беларусі, акрамя таго, гэта ахоўны від на міжнародным узроўні, уключаны ў Чырвоныя кнігі многіх краін Еўропы. Гэты жук - від, блізкі да ўразлівага становішча.

Прысутнасць жука-аленя ў Белавежскай пушчы - адна з самых вялікіх навуковых загадак. Існуюць вусныя сведчанні яго прысутнасці ў лесе, аднак да гэтага часу няма ніводнага калекцыйнага асобніка гэтага віду менавіта з Белавежскай пушчы. У сувязі з гэтым яго пражыванне менавіта ў гэтым лесе нельга лічыць даказаным.

Навукоўцы просяць беларусаў паведаміць, калі хтосьці знойдзе жука-аленя ў Белавежскай пушчы, паколькі гэта будзе вельмі каштоўна для нашай навукі.

Зараз праводзіцца кампанія па захаванні існуючых месцаў пражывання жука-аленя ў Беларусі (яго колькасць памяншаецца ў асноўным з-за высечкі лясоў).

Тых жа, хто ўбачыць гэтага жука ў Белавежскай пушчы, просяць зрабіць яго здымак і паведаміць аб знаходцы ў навуковы аддзел Нацыянальнага парку "Белавежская пушча".

Тэги:
Белавежская пушча

Галоўныя тэмы