МІНСК, 16 сне - Sputnik. Цёпла і ветрана будзе ў Беларусі ў бліжэйшыя дні, такі прагноз надвор'я склалі ў Белгідраметцэнтры.
Па дадзеных сіноптыкаў, 17 снежня надвор'е ў Беларусі будзе вызначаць цёплая паветраная маса, па паўночнай палове краіны адаб'ецца ўплыў франтальнага падзелу. Будзе воблачна з праясненнямі. У паўночнай частцы краіны пройдуць кароткачасовыя дажджы і мокры снег. Ноччу і раніцай чакаецца туман і галалёд. Будзе дзьмуць паўднёва-заходні, паўднёвы ўмераны вецер, ноччу ў асобных раёнах - парывісты. Уначы будзе ад -1°С да +4°С, днём - да +3..+9°С.
У сераду, 18 снежня, на надвор'е будзе па-ранейшаму ўплываць цёплая паветраная маса, якая паступае з паўднёвага захаду Еўропы. Чакаецца воблачнае з праясненнямі надвор'е, у асноўным без ападкаў. Месцамі згусціцца слабы туман. Будзе дзьмуць паўночны ўмераны вецер, днём у асобных раёнах Віцебскай вобласці - моцны парывісты. У начны час будзе 0..+5°С, у сярэдзіне дня слупок тэрмометра пакажа +3..+10°С.
19 снежня надвор'е будзе вызначаць вобласць павышанага атмасфернага ціску, сфармаваная ў больш прахалоднай паветранай масе. Будзе пераважна без ападкаў. Месцамі слабы туман. Будзе дзьмуць паўночны ўмераны вецер, ноччу і раніцай у асобных раёнах Віцебскай вобласці - моцны парывісты. Мінімальная тэмпература паветра ўначы будзе дасягаць -1..+4°С, днём паветра прагрэецца да +1..+6°С.
