10:59 23 красавіка 2021
«Радыё Sputnik»
  • USD2.59
  • EUR3.13
  • 100 RUB3.40
Прырода
Атрымаць кароткую спасылку
3910

Арнітолагі кажуць, што птушкі ўжо лецяць з Паўднёвай Афрыкі - кожны год тэрміны вяртання гэтых птушак ссоўваюцца з-за пацяплення клімату.

МІНСК, 25 лют – Sputnik. Ужо ў сакавіку белых буслоў можна будзе назіраць у сваіх леташніх гнёздах. Акрамя іх, у Беларусь лецяць зязюлі, чорныя стрыжы, многія віды качак, распавялі Sputnik у грамадскім аб'яднанні "Ахова птушак Бацькаўшчыны".

Цікава, што ўсё больш птушак застаюцца зімаваць у Беларусі. Напрыклад, чаплі, бакланы, чорныя дразды.

"Напрыклад, звычайныя гракі, якія яшчэ да нядаўняга часу лічыліся вестунамі вясны, гэтай зімой былі заўважаныя амаль па ўсёй краіне. І зразумець, хто заставаўся на зімоўку, а хто паляцеў - складана", - расказаў спецыяліст па прыродаахоўных пытаннях Сямён Левы.

Паводле яго слоў, "сёння мы бачым тых птушак, якія раней не праводзілі зімовыя месяцы на тэрыторыі нашай краіны. Напрыклад, гарыхвосткі-чарнушкі. Апошнія два гады мы назіраем іх у нас".

Зіма, якая пакрысе сыходзіць, запомніцца і тым, што даволі часта ў гарадах сталі заўважаць снегіроў. У суровае марознае надвор'е яны больш прыкметныя.

"Большасць людзей бачаць птушак толькі тады, калі яны спускаюцца на ўзровень вачэй чалавека. Калі снегіры сядзяць на ясенях, клёнах, іх не заўважаюць. Гэтая зіма халодная: птушкі з'елі корм, які знаходзілі наверсе, на дрэвах, таму спускаліся па ежу ўніз", - растлумачыў спецыяліст.

Арнітолаг адзначыў, што гэтай зімой было шмат снегу, а значыць, хутчэй за ўсё, на рэках краіны будзе вялікая паводка. Гэта абяцае цікавую вясну ў плане назіранняў за міграцыяй птушак.

Чытайце таксама:

Тэги:
Клімат, Афрыка, Беларусь, Птушкі, Буслы

Галоўныя тэмы