МІНСК 9 лют — Sputnik. Некаторыя дыспетчарскія службы таксі пайшлі насустрач кіроўцам і прапанавалі ўсталяваць фіксаваны курс даляра для аплаты сваіх паслуг.
Сталічныя таксісты правялі стыхійную сустрэчу ў пятніцу: яны абмяркоўвалі неабходнасць праверкі законнай працы сэрвісу Uber і незгаворлівасць дыспетчарскіх службаў, з-за якіх ім становіцца нявыгадна працаваць.
Паводле інфармацыі Sputnik, адна з буйнейшых у рэспубліцы дыспетчарскіх службаў, якая працуе з больш чым з тысячай кіроўцаў, прапанавала таксістам ўсталяваць фіксаваны курс для аплаты сваіх паслуг — 20 тысяч рублёў. Раней таксісты скардзіліся таксама на тое, што вымушаныя аплачваць паслугі дыспетчарскіх ў далярах па-за залежнасці ад курсу беларускага рубля.
Таксама дыспетчарская служба прапанавала кіроўцам выказацца пра магчымыя змены ў сістэме аплаты. Так, плануецца абмеркаваць ўвядзенне ня фіксаванай аплаты за паслугі дыспетчарскіх службаў, а якая залежыць ад колькасці выкананых заказаў.
Сэрвіс UberX ў Мінску пачаў працаваць 5 лютага, сталічныя таксісты адрэагавалі на яго ўвядзенне стыхійным сходам. Сярод іх папрокаў да сэрвісу — магчымая незаконнасць яго працы і дэмпінг коштаў.
