16:43 17 жніўня 2017
«Радыё Sputnik»
Зона адчужэння

Беларусь скарачае выдаткі на аднаўленне чарнобыльскіх раёнаў

© Sputnik/ Виктор Толочко
Навіны
Атрымаць кароткую спасылку
3001

Сёлета на гэтыя мэты будзе выдзелена крыху больш за трыльён рублёў, у параўнанні з мінулым годам фінансаванне скарочана прыкладна на 100 мільярдаў рублёў.

МІНСК, 23 лют — Sputnik. Больш за трыльён рублёў будзе выдзелена з бюджэту на аднаўленне і развіццё пацярпелых ад аварыі на Чарнобыльскай АЭС рэгіёнаў у 2016 годзе, паведамілі Sputnik у прэс-службе беларускага ўрада.

Між тым, згодна з законам аб бюджэце на 2015 год, на гэтыя мэты было накіравана крыху больш за 1,1 трыльёна рублёў. У параўнанні з мінулым годам, фінансаванне скарочана прыкладна на 88 мільярдаў рублёў, пры тым, што інфляцыя за 2015 год склала 12%.

"У 2016 годзе з рэспубліканскага бюджэту будзе выдзелена 1,02 трыльёна рублёў на фінансаванне расходаў па аднаўленні і развіцці рэгіёнаў, пацярпелых у выніку катастрофы на Чарнобыльскай АЭС. Гэта прадугледжана пастановай Савета міністраў ад 19 лютага 2016 года №137", — праінфармавалі ў прэс- службе Саўміна.

Па дадзеных прэс-службы ўрада, гэтыя сродкі будуць размеркаваны паміж кансалідаванымі бюджэтамі абласцей і Мінска. Больш за ўсё атрымае Гомельская і Магілёўская вобласці — 530 і 330 мільярдаў рублёў адпаведна.

Брэсцкай вобласці будзе выдзелена 110 мільярдаў рублёў. Самы нізкі памер асігнаванняў прадугледжаны для Мінскай, Віцебскай абласцей і Мінска — 20,15 і тры мільярды рублёў адпаведна. Урад даручыў абласным органам улады і Мінгарвыканкаму па ўзгадненні з МНС распрацаваць пералікі аб'ектаў, фінансаванне якіх будзе ажыццяўляцца за кошт выдзеленых сродкаў, а таксама ўдакладняць пры неабходнасці на працягу 2016 аб'ёмы фінансавання аб'ектаў, унесеных у пералікі, у межах гадавых планавых прызначэнняў.

Кіраўнікі аблвыканкамаў і старшыня Мінгарвыканкама будуць персанальна адказваць за выкарыстанне бюджэтных грошай.

Тэги:
Галіны эканомікі, Аварыя на Чарнобыльскай АЭС, Чарнобыль, Урад Беларусі, Беларусь
Правілы карыстанняКаментары

Галоўныя тэмы