01:21 23 лістапада 2017
«Радыё Sputnik»
Сыр

Рассельгаснагляд выявіў перавышэнне нітрату натрыю ў беларускіх сырах

© Flickr/ Janeen
Навіны
Атрымаць кароткую спасылку
27 0 0

Пад забарону нагляднага ведамства патрапілі два віды сыру Шчучынскага масласырзавода і адзін – Кобрынскага масларобна-сыраробнага завода.

МІНСК, 11 сак — Sputnik. Рассельгаснагляд выявіў перавышэнне харчовай дабаўкі нітрату натрыю ў сырах, вырабленых на двух беларускіх прадпрыемствах, паведамілі Sputnik у прэс-службе ведамства.

Неадпаведнасць тэхнічнаму рэгламенту Мытнага саюза было выяўлена падчас лабараторных даследаванняў трох відаў сыроў беларускай вытворчасці.

Паводле інфармацыі ведамства, у сыры "Цільзіцер" вытворчасці Шчучынскага масласырзавода ўтрыманне нітрату натрыю склала 77,5 міліграма на кілаграм пры норме 50 мг / кг, у сыры "Расійскі Шчучынскі" норма перавышана амаль удвая — 90,6 мг / кг. У сыры "Эльтэрмані" кобрынскай вытворчасці перавышэнне нормы склала 11,2 мг / кг.

Пробы сыроў былі адабраны супрацоўнікамі ветнагляду на гандлёвых аб'ектах у Цверы і Ржэве.

Нітрат натрыю (чылійская салетра — Sputnik) выкарыстоўваецца ў якасці кансервантаў, фарбавальніка, стабілізатара колеру і мае вялікую колькасць супрацьпаказанняў людзям з захворваннямі печані, кішачніка, а таксама якія пакутуюць гіпертаніяй. Таксама нітрат натрыю можа выклікаць алергію.

Раней расійскае нагляднае ведамства забракавала партыю сыру шэрагу беларускіх вытворцаў з-за завышанай долі кансерванта.

Тэги:
Прадукты харчавання, Рассельгаснагляд, Расія, Беларусь
Правілы карыстанняКаментары

Галоўныя тэмы