МІНСК, 9 чэр - Sputnik. Захворванне каронавірусам пасля адмены каранцінных мер можа вырасці. Пра гэта доктар медыцынскіх навук, акадэмік РАН Аксана Свіціч паведаміла ў эфіры тэлеканала "Беларусь 1".
Другая хваля каронавіруса магчымая, аднак складана сказаць, ці будзе яна прыкметная статыстычна, лічыць Аксана Свіціч.
"Будзе графік тыпу сінусоіды (...). Калі людзі будуць выходзіць, магчыма, будзе скачок. Заўважым мы яго статыстычна ці не - гэта складана. Галоўнае, каб для людзей, якія найбольш схільныя і ў якіх развіваюцца цяжкія формы захворвання, былі адкрыты бальніцы, каб яны змаглі своечасова атрымаць адэкватную дапамогу", - адзначыла акадэмік РАН.
Яна пракаментавала таксама меркаванне пра тое, што другая хваля будзе найбольш адчувальная ў краінах, дзе раней быў уведзены жорсткі каранцін.
Так, па словах эксперта, усё залежыць нават не ад таго, якая частка насельніцтва перахварэла каронавірусам, а ад таго, ці многія пракантактавалі. У краінах, дзе жорсткі каранцін быў уведзены амаль адразу, гэты працэнт будзе невялікім, там "гэтую хвалю могуць атрымаць крыху пазней".
"Іншая справа, што вірус, кантактуючы з чалавечай папуляцыяй, таксама можа змяняцца. Магчыма, (другая) хваля не будзе такой актыўнай і такой вялікі, як у краінах, якія сутыкнуліся з ёй упершыню", - рэзюмавала Аксана Свіціч.
