03:38 22 кастрычніка 2020
«Радыё Sputnik»
  • USD2.55
  • EUR3.02
  • 100 RUB3.31
Меркаванне
Атрымаць кароткую спасылку
Пратэсты пасля выбараў у Беларусі (157)
1920

На тэрыторыі Беларусі зараз разыгрываецца класічны сцэнар "каляровай рэвалюцыі", паколькі "падтрымка пратэстаў з боку так званай сусветнай супольнасці ў асобе Захаду - гэта ўжо класіка", лічыць палітолаг Ганна Арамава.

МІНСК, 20 жні - Sputnik. Гаворка ідзе аб класічным сцэнары, па якім заходнімі краінамі спачатку не будуць прызнаныя выбары, затым будуць знойдзеныя "нейкія марыянеткі (экс-кандыдат у прэзідэнты Святлана Ціханоўская, яе муж альбо хтосьці яшчэ), якія будуць сустракацца з лідарамі заходніх дзяржаў, хоць гэта само па сабе абсурдна", такое меркаванне выказала палітолаг Ганна Арамава ў эфіры радыё Sputnik.

"У выніку, калі падзеі будуць развівацца па гэтым сцэнары, Беларусь атрымае нейкага чалавека, які да дзяржаўнага кіравання не мае ніякага дачынення, але будзе ўзначальваць дзяржаву, каб выконваць указанні Захаду", - выказала здагадку Арамава.

Нагадаем, масавыя пратэсты пачаліся ў Беларусі 9 жніўня, пасля выбараў прэзідэнта, на якіх у шосты раз перамог Аляксандр Лукашэнка - паводле звестак ЦВК, ён набраў 80,1% галасоў, на другім месцы - Святлана Ціханоўская з 10,12%. Пасля гэтага нязгодныя з вынікамі штодня выходзяць на вуліцы гарадоў, якія да 13 жніўня жорстка падаўляліся сілавікамі, каля 7 тысяч чалавек былі затрыманыя, некалькі сотняў пацярпелі.

Пра тое, што Еўрасаюз не прызнае вынікі прэзідэнцкіх выбараў у Беларусі, стала вядома напярэдадні, адпаведную заяву па выніках экстраннага саміта ЕС зрабіў кіраўнік Еўрасавета Шарль Мішэль, раней з аналагічнай заявай выступіла і канцлер Германіі Ангела Меркель.

Напярэдадні таксама стала вядома аб тым, што афіцыйны Брусель мае намер ўвесці персанальныя санкцыі супраць "значнага ліку тых, хто адказны за гвалт у рэспубліцы і фальсіфікацыю на выбарах". Да прыкладу, у Літве ўжо падрыхтаваны спіс беларускіх чыноўнікаў, якім будзе забаронены ўезд у балтыйскую рэспубліку, у спісе 32 прозвішчы, у тым ліку і Аляксандр Лукашэнка.

Тэмы:
Пратэсты пасля выбараў у Беларусі (157)
Тэги:
Беларусь, ЕС

Галоўныя тэмы