Курыны капялюшык і Джалі пад дажджом – фота тыдня

Амерыканскі сенатар і былы кандыдат у прэзідэнты рэспубліканец Марка Рубыё абдымае сваю сям'ю пасля аб'явы аб прыпыненні сваёй перадвыбарнай кампаніі на мерапрыемстве ў Маямі, штат Фларыда, 15 сакавіка.

Канцлер Германіі Ангела Меркель, прэм'ер-міністр Вялікабрытаніі Дэвід Кэмеран і прэзідэнт Францыі Франсуа Аланд на сустрэчы падчас саміту лідэраў Еўрапейскага саюза па пытаннях міграцыі ў Брусэлі, Бельгія, 18 сакавіка.

Вярхоўны камісар ААН па справах бежанцаў, спецыяльны пасланнік Анджэліна Джалі падчас свайго візіту ў лагер сірыйскіх бежанцаў у Бека, Ліван, 15 сакавіка.

Нарвежскі тэрарыст Андэрс Брэйвік на судзе, які разглядаў ягоную скаргу з нагоды негуманных умоваў у турме, вітаў тых, хто сабраўся, нацысцкім жэстам. Пасля вынясення прысуду да 21 гадоў пазбаўлення волі ў 2012 годзе, гэта першае з'яўленне Брэйвіка на публіцы.

Паветраны шар каля будынку парламента ў Канберэ, 14 сакавіка. У сталіцы Аўстраліі ў 30-ы раз прайшоў фестываль паветраных шароў Spectacular.

Фінансавы дырэктар Lufthansa Сімонэ Менэ (злева) з персаналам перад пачаткам прэс-канферэнцыі ў штаб-кватэры ў Франкфурце, Германія, 17 сакавіка.

Цягнік адыходзіць ад стартавай пляцоўкі касмадрома "Байканур", дзе ідзе ўстаноўка ракеты-носьбіта "Саюз-ФГ" з пілатаваным караблём "Саюз ТМА-20м" на стартавы стол першай "Гагарынскай".

Члены братэрства "La Paz" у вобразе грэшнікаў, якія каяцца, прымаюць удзел у традыцыйным шэсці напярэдадні Перадвелікоднага тыдня ў сталіцы Андалусіі Севільі, 18 сакавіка.

Жанчыны на аўтобусным прыпынку ў Пальмавую нядзелю ў Варшаве, Польшча, 20 сакавіка.

Мадэль у вобразе, створаным дызайнерам Ёшыкацу Ямагата на Тыдні моды ў Токіо, Японія, 16 сакавіка.

Лангур хануман у лонданскім заапарку, 17 сакавіка. Наогул, гэта жывёла рэдкасць для заапаркаў з-за пераборлівасці ў звычках харчавання. У Індыі лангуры месцяцца пры кожным храме.

Заводчык амерыканскага мініяцюрнага коніка падчас тэрапіі з маленькімі пацыентамі ў дзіцячай бальніцы на Манхэтэне, 16 сакавіка.

Студэнты са школы баявых мастацтваў практыкуюць кунг-фу на скалах у правінцыі Хэнань, Кітай, 17 сакавіка.

Падзенне на скачках падчас штогадовага фестываль у Челтнеме (Cheltenham) у графстве Глосцершыр, Англія, 16 сакавіка.

Удзельнік штогадовых спаборніцтваў Red Bull Jump and Freeze на гарналыжным курорце Гудаўры, Грузія, 20 сакавіка.

У фінале турніру ў Індыян-Уэлсе (ЗША) з прызавым фондам 6,1 мільёна даляраў беларуская тэнісістка Вікторыя Азаранка ўпершыню з 2013 года пераадолела першую ракетку свету Серэну Уільямс з лікам 6: 4, 6: 4. Пасля перамогі над амерыканкай Серэнай Уільямс паднялася на семь радкоў у рэйтынгу Жаночай тэніснай асацыяцыі (WТА) і ўвайшла ў ТОП-10.

"Жывёл не турбаваць!" Ільвіца ў Нацыянальным парку парку Найробі у Кеніі, 20 сакавіка.

Людзі робяць сэлфі на фоне кветак у парку Гукун ў Шанхаі, 20 сакавіка.