06:58 21 студзеня 2021
«Радыё Sputnik»
  • USD2.54
  • EUR3.09
  • 100 RUB3.46
  • Гэтыя кадры Альфрэд Мікус зрабіў на дарозе Краснае - Ілля Мінскай вобласці.
  • Для тых, хто не мае магчымасці адправіцца ў падарожжа за горад.
  • Цяперашнія беларускія зімы рэдка радуюць жыхароў маразамі і снегам.
  • Сняжынкі, што з'явіліся ў наваколлі ў першыя дні снежня - сапраўднае свята.
  • Восеньскую слоту замяніў лёгкі марозік і ў паветры адразу з'явілася прадчуванне Новага года.
  • І калі ў горадзе снег хутка знікае, на прыродзе казачная прыгажосць застаецца некранутай доўгі час.
  • Снег ахутвае дрэвы і палі сваім покрывам...
  • ... і стварае неверагодныя пейзажы.
  • Снег заўсёды чакаюць з нецярпеннем: наваколле святлее, а калі выйдзе сонейка, ён заіскрыцца, нібы россып дыяментаў.
  • Першыя крокі зімы любяць апяваць у сваіх вершах паэты.
  • Гэты пераход, калі зямля засынае, каб праз колькі месяцаў прачнуцца і зазелянець, натхняе іх на цудоўныя вершы.
  • Зіма... Ад інею вішняк
Перахіліўся за парканы.
I не мінеш яго ніяк,
Кранеш — і цветам серабраным
Асыпе з галавы да ног.

Максім Танк
  • У абшары навакольным
Над папарам, лугам, полем
        Снег тчэ мяккі змрок.
Кожную сняжынку тую
Кружыць, туліць і цалуе
        Весялун-вятрок.

Рыгор Барадулін
  • У бубны дахаў вецер б'е, 
Грыміць па ім, звініць, пяе. 
Ускіпела снежнае віно, 
І белай пенай мкне яно. 

Максім Багдановіч
  • Зноў смала замярзае на зрэзе,
Пасівела зямля і, як бубен, гудзе,
I па снезе сумуе,
Сумуе па снезе:
Пачынаецца снежань, а снег не ідзе.

Сяргей Грахоўскі
  • Зіма - час святаў і радасці.
  • І нават холад не перашкаджае наталіцца казачнай прыгажосцю.
  • Цішыня і спакой.
  • Нічога лішняга.
  • А вас натхняе зіма?
© Sputnik Альфред Микус
Гэтыя кадры Альфрэд Мікус зрабіў на дарозе "Краснае" - "Ілля" Мінскай вобласці.

Глядзіце ў фотастужцы Sputnik як выглядае беларуская зіма ў некалькіх кіламетрах ад сталіцы - цішыня, спакой і казачная прыгажосць.

Цяперашнія беларускія зімы рэдка радуюць жыхароў маразамі і снегам, таму сняжынкі, што з'явіліся ў наваколлі ў першыя дні снежня - сапраўднае свята. Восеньскую слоту замяніў лёгкі марозік і ў паветры адразу з'явілася прадчуванне Новага года.

І калі ў горадзе снег хутка знікае, на прыродзе казачная прыгажосць застаецца некранутай доўгі час - снег ахутвае дрэвы і палі сваім покрывам і стварае неверагодныя пейзажы.

Для тых, хто не мае магчымасці адправіцца ў падарожжа за горад, карэспандэнт Sputnik Альфрэд Мікус падрыхтаваў адмысловую фотастужку. Нічога лішняга: толькі ціхамірнасць і спакой.

Чытайце таксама:

Тэги:
Беларусь, зіма

Яшчэ фотастужкі

Галоўныя тэмы