20:05 24 красавіка 2017
«Радыё Sputnik»
Дзень Волі ў Мінску

Удзельнікі акцыі зрабілі супольнае фота перад пачаткам шэсця

© Sputnik / Виктор Толочко
Палітыка
Атрымаць кароткую спасылку
6 0 0

Апазіцыя праводзіць у Мінску шэсце, прымеркаванае да 97-й гадавіны абвяшчэння Беларускай народнай рэспублікі.

МІНСК, 25 сак — Sputnik. Калона дэманстрантаў пачала шэсце ў цэнтры Мінска, перад тым як рушыць, удзельнікі акцыі спыніліся, каб зрабіць групавую фатаграфію, перадае карэспандэнт Sputnik з месца падзей.

Традыцыйная вулічная акцыя, санкцыянаваная гарадскімі ўладамі, пачалася ў 15.00 каля кінатэатра "Кастрычнік". Далей яе ўдзельнікі пройдуць да парку Дружбы народаў на плошчы Бангалор, дзе ў 17:00 адбудзецца мітынг. Запланаваны пасля шэсця канцэрт арганізатары адмянілі.

Калона пабудавалася такім чынам, каб шматлікім фотакарэспандэнтам і аператарам тэлеканалаў было зручней зрабіць масавае фота.

Па ацэнцы арганізатараў акцыі, у шэсці прымаюць удзел каля тысячы чалавек, у праваахоўных органах ўдакладнілі, што гэтая лічба нашмат меншая, але адмовіліся афіцыйна паведаміць пра колькасць маніфестантаў.

Сталічнае ГУУС напярэдадні заклікала ўдзельнікаў акцыі прытрымлівацца вызначанага маршруту і часу, а таксама не закрываць твары. Праваахоўныя органы заключылі з кожным з заяўнікаў "Дня Волі" дагавор на абслугоўванне акцыі на агульную суму 20 млн беларускіх рублёў.

БНР — палітычнае ўтварэнне, абвешчанае ў 1918 годзе групай дзеячаў нацыянальнага руху. Як самастойная дзяржава БНР існавала ў 1918-1919 гадах, пазней урад Беларускай народнай рэспублікі быў вымушаны эміграваць. Сярод гісторыкаў да гэтага часу ідуць спрэчкі, ці можна называць БНР дзяржавай альбо гэта была толькі спроба набыцця беларусамі дзяржаўнасці.

Тэги:
Дзень Волі, Мінск
Правілы карыстанняКаментары

Галоўныя тэмы