Караткевіч: ні ў каго не ўзнікала пытанняў з нагоды майго полу

© Photo : Народный референдумТаццяна Караткевіч
Таццяна Караткевіч - Sputnik Беларусь
Падпісацца
Паміж жанчынай-кандыдатам, новым маладым тварам і дасведчаным вядомым палітыкам большасць беларусаў выбіраюць апошняга, адзначаюць сацыёлагі.

МІНСК, 15 чэр —Sputnik, Яўген Казарцев. Актывістка "Гавары праўду" Таццяна Караткевіч, якая заявіла аб намеры ўдзельнічаць у выбарах-2015, верыць у поспех жанчыны-кандыдата ў прэзідэнты, у адрозненне ад старшыні ЦВК Лідзіі Ярмошынай.

Пытанне полу кандыдата ў прэзідэнты набло актуальнасць у сувязі з намерам адразу некалькіх жанчын-палітыкаў у 2015 годзе змагацца за прэзідэнцкую пасаду. Свой удзел у будучай кампаніі акрамя Караткевіч не выключае і першы намеснік старшыні грамадскага аб'яднання "Таварыства беларускай мовы імя Францішка Скарыны" (ТБМ) Алена Анісім.

Таццяна Караткевіч - Sputnik Беларусь
Караткевіч: некаторыя ў палітыцы 20 гадоў, а бачных вынікаў няма

"За кожным кіраўніком-мужчынай стаіць жанчына. Але мы можам браць і на сябе адказнасць. І ў мяне пакуль што не было ніякіх праблем з-за таго, што я жанчына", — заявіла ў інтэрв'ю Sputnik Караткевіч.

Кіраўнік ЦВК Лідзія Ярмошына раней станоўча адгукнулася аб актыўнасці жанчын-палітыкаў, але засумнявалася ў іх магчымым поспеху. Караткевіч не зусім згодна з гэтым сцвярджэннем Ярмошынай: па яе словах, ніхто не надае гендэрам вялікай увагі.

"Ні ў каго не ўзнікала пытанняў з нагоды майго полу. Усё роўна мужчына ці жанчына — галоўнае тое, што чалавек гаворыць і робіць. І людзі гэта разумеюць ",- заявіла субяседніца агенцтва.

На думку Караткевіч, у краіне дзейнічае "нябачны матрыярхат" таму яна не лічыць, што пол стане перашкодай яе вылучэнні ў прэзідэнты і перадвыбарчай кампаніі.

"Больш пытанняў узнікае з-за таго, што я яшчэ маладая, але ніяк не з-за майго полу", — запэўніла Караткевіч.

Сацыёлагі таксама канстатуюць, што гендэрны аспект для беларускага выбаршчыка не важны, галоўнае —каб альтэрнатыўны кандыдат быў вядомым і дасведчаным палітыкам. Так, апытанне, праведзенае Незалежным інстытутам сацыяльна-эканамічных і палітычных даследаванняў (г. Вільнюс) у сакавіку 2015 года, паказаў, што паміж жанчынай-кандыдатам, новым маладым тварам і дасведчаным вядомым палітыкам большасць рэспандэнтаў (44,5%) выбіраюць апошняга.

Стужка навiн
0