Лукашэнка павіншаваў беларусаў і расіян з Днём яднання

© Sputnik / Андрей Александров / Перайсці ў медыябанкСцягі Расіі і Беларусі
Сцягі Расіі і Беларусі - Sputnik Беларусь
Падпісацца
Беларускі прэзідэнт упэўнены: у Саюзнай дзяржавы ёсць трывалая аснова, а сумеснымі намаганнямі народы Беларусі і Расіі змогуць пераадолець усе часовыя цяжкасці.

МІНСК, 1 кра — Sputnik. Беларускі прэзідэнт павіншаваў народы Беларусі і Расіі з Днём яднання, які будзе адзначацца 2 красавіка.

"Гэты год адметны ўдвая — пачаткам трэцяга дзесяцігоддзя саюзнага будаўніцтва і 25-годдзем устанаўлення дыпламатычных адносін паміж нашымі краінамі", — гаворыцца ў звароце прэзідэнта.

Уладзімір Пуцін і Аляксандр Лукашэнка - Sputnik Беларусь
Пяскоў: Пуцін і Лукашэнка абмяркуюць "гаспадарчыя рознагалоссі"

Лукашэнка перакананы, што перавагі саюзнай інтэграцыі бясспрэчныя як у гуманітарнай, так і ў эканамічнай сферах.

"Згуртаваныя цеснымі кааперацыйнымі сувязямі, ўзаемадапаўняльнасцю нашых прамысловых і аграрных комплексаў, трывалымі кантактамі на ўзроўні рэгіёнаў, мы павінны яшчэ больш настойліва і паслядоўна дамагацца стварэння паўнавартаснай адзінай эканамічнай прасторы, ліквідацыі ўсіх бар'ераў, якія перашкаджаюць развіццю нашай інтэграцыі", — адзначыў Лукашэнка.

Аднак, на думку кіраўніка беларускай дзяржавы, маштаб дасягненняў не павінен успрымацца як дадзенасць. Рознага роду выпрабаванні на трываласць выяўляюць іх крохкасць.

"Сумеснымі намаганнямі мы зможам эфектыўна пераадолець цяжкасці, якія дыктуе нам сусветны парадак дня, адкрыць новыя магчымасці для ўздыму нацыянальных эканомік, павышэння дабрабыту нашых народаў і дзяржаў", — упэўнены беларускі лідэр.

Дзень яднання — сімвал непераходзячай каштоўнасці беларуска-расійскага сяброўства. Гістарычная памяць і ўзаемная падтрымка заўсёды былі для народаў Беларусі і Расіі вышэй любых меркантыльных або тактычных меркаванняў.

"Наш агульны абавязак — захоўваць вернасць гэтаму лёсавызначальнаму выбару, які адказвае чаканням і памкненням народаў Беларусі і Расіі. Перакананы, што ідучае ад жыцця памкненне людзей да сумеснага тварэння будзе паспяхова рэалізоўвацца", — лічыць беларускі прэзідэнт.

Кіраўнік беларускай дзяржавы таксама накіраваў віншаванні з Днём яднання прэзідэнту Расійскай Федэрацыі Уладзіміру Пуціну і прэм'ер-міністру Расіі Дзмітрыю Мядзведзеву, Старшыні Савета Федэрацыі Федэральнага Сходу Валянціне Мацвіенка і іншым афіцыйным асобам.

Стужка навiн
0