01:37 24 ліпеня 2017
«Радыё Sputnik»
Намеснік міністра замежных спраў Алег Краўчанка і надзвычайны і паўнамоцны пасол Ісландыі ў Рэспублікі Беларусі Берглінд Асгейрсдоцір

Пасол Ісландыі наведае Беларусь упершыню за дзесяць гадоў

© Фото: МИД РБ
Палітыка
Атрымаць кароткую спасылку
9 0 0

Кіраўнік ісландскай дыпмісіі ўручыла даверчыя граматы кіраўніцтву беларускага МЗС, з 1 верасня ў рэспубліцы зменіцца і пасол Швецыі.

МІНСК, 18 ліп — Sputnik. Пасол Ісландыі акрэдытуецца ў Беларусі пасля больш чым дзесяцігадовага перапынку, паведамілі Sputnik у прэс-службе МЗС Беларусі.

Там праінфармавалі, што намеснік міністра замежных спраў Беларусі Алег Краўчанка у панядзелак прыняў Берглінд Асгейрсдоцір, якая прызначана паслом Ісландыі ў Беларусі. Прыём адбыўся з нагоды пачатку яе дыпламатычнай місіі ў рэспубліцы.

"Бакі абмеркавалі перспектыўныя напрамкі беларуска-ісландскага супрацоўніцтва. Берглінд Асгейрсдоцір таксама ўручыла Алегу Краўчанка копіі даверчых грамат", — паведамілі ў МЗС.

Ісландыя з'яўляецца членам НАТА, Паўночнага савета, Арганізацыі эканамічнага супрацоўніцтва і развіцця, Міжнароднага валютнага фонду, Сусветнага банка, ААН і яе спецыялізаваных арганізацый, а таксама Савета Еўропы і Еўрапейскай асацыяцыі свабоднага гандлю. У той жа час, краіна не з'яўляецца членам Еўрапейскага саюза, але з'яўляецца членам Шэнгенскага пагаднення.

Між тым, як паведамляе МЗС Швецыі, прызначаны новы пасол гэтай дзяржавы ў Беларусі. Ім стала Хрысціна Ёханэсан, якая прыступіць да выканання сваіх абавязкаў з 1 верасня. Да прызначэння на гэты пост Ёханэсан працавала ў прадстаўніцтве Швецыі пры Еўрасаюзе ў Бруселі. Яна таксама працавала ў генконсульстве Швецыі ў Санкт-Пецярбургу і ў пасольстве Швецыі ў Маскве.

Зараз амбасадарам Швецыі ў Беларусі з'яўляецца Марцін Оберг, які з ліпеня 2013 года працаваў на пасадзе часовага паверанага, а з красавіка 2015 года быў пераведзены ў ранг пасла. Ён стаў першым кіраўніком дыпмісіі Швецыі пасля дыпламатычнага скандалу ў жніўні 2012 года.

Тэги:
Берглінд Асгейрсдоцір, Алег Краўчанка, Швецыя, Ісландыя, Беларусь
Правілы карыстанняКаментары

Галоўныя тэмы