Бабіч даў высокую ацэнку ўзроўню інтэграцыі Беларусі і Расіі

© Sputnik / Виктор ТолочкоПасол Расіі ў Беларусі Міхаіл Бабіч
Пасол Расіі ў Беларусі Міхаіл Бабіч - Sputnik Беларусь
Падпісацца
Зараз ідзе выпрацоўка сумесных планаў развіцця галін і прадпрыемстваў, якія з'яўляюцца стратэгічнымі для дзвюх краін.

МАГІЛЁЎ, 26 вер — Sputnik. Далейшае развіццё інтэграцыі Беларусі і Расіі будзе сканцэнтравана на тэхналагічных прадпрыемствах, якія выпускаюць прадукцыю з высокім дабаўленым коштам, сказаў на брыфінгу расійскі пасол Міхаіл Бабіч.

"Я высока ацэньваю ўзровень інтэграцыі ў расийска-беларускіх адносінах. Безумоўна, не бывае без няроўнасцяў. Зразумела, што ў цяжкім становішчы знаходзіцца сусветная эканоміка, і як вынік, нашы эканомікі", — сказаў кіраўнік дыпмісіі.

Пры гэтым ён адзначыў, што дзвюм краінам заўсёды ўдаецца знаходзіць рашэнні па ўсіх пытаннях.

"Кожны раз мы прыбаўляем ва ўзроўні інтэграцыі. Цяпер пастаўлена такая задача прэзідэнтам Расійскай Федэрацыі, абсалютна прыярытэтная, каб інтэграцыя развівалася", — адзначыў дыпламат.

Ён удакладніў, што далейшае развіццё будзе сканцэнтравана на высока тэхналагічных галінах, прадпрыемствах, якія выпускаюць прадукцыю з высокім дабаўленым коштам і інавацыйным патэнцыялам.

"На сённяшні дзень ідзе дыялог з нашымі беларускімі калегамі, накіраваны на выпрацоўку гэтых сумесных планаў у разрэзе галін і ў разрэзе асобных прадпрыемстваў, якія маюць стратэгічнае значэнне для кожнай дзяржавы", — рэзюмаваў пасол Расіі.

Стужка навiн
0