Лукашэнка падзякаваў Траўнікаву за прывезенае ў Мінск сібірскае надвор'е

© Sputnik / Марина СеребряковаМінск пейзаж узімку
Мінск пейзаж узімку - Sputnik Беларусь
Падпісацца
Беларусь, паводле слоў прэзідэнта краіны, валодае неабходнымі магчымасцямі, каб задаволіць патрэбы Новасібірскай вобласці ў розных сферах.

МІНСК, 24 сту - Sputnik. Новасібірская вобласць Расіі з'яўляецца для Беларусі адным з найбольш перспектыўных эканамічных партнёраў Сібіры, заявіў прэзідэнт Аляксандр Лукашэнка, сустракаючыся з губернатарам гэтай вобласці Андрэем Траўнікавым у чацвер у Мінску.

Пасол Расіі Міхаіл Бабіч у Гомелі ў Палацы Румянцавых і Паскевічаў - Sputnik Беларусь
Пасол Расіі: мы падтрымаем стварэнне цэнтраў беларускай культуры

У самым пачатку сустрэчы, вітаючы губернатара на беларускай зямлі, кіраўнік дзяржавы падзякаваў яму за тое, што той прывёз у Беларусь сібірскае надвор'е.

"Вы нам прывезлі добрае надвор'е, (...) яно стала больш сібірскім", - пажартаваў беларускі прэзідэнт.

Закранаючы пытанні супрацоўніцтва паміж Беларуссю і Новасібірскай вобласцю, ён адзначыў, што ў аснове ляжаць даўнія сяброўскія і сваяцкія адносіны паміж людзьмі, а таксама высокі ўзровень плённага супрацоўніцтва.

Беларускі прэзідэнт падкрэсліў, што ў рэгіёне паспяховы бізнес вядуць беларускія прадпрымальнікі, праводзяцца на рэгулярнай аснове кірмашы, на якіх прадстаўлены тавары з Беларусі.

У сваю чаргу Новасібірск, які ва ўсім свеце вядомы як навуковая сталіца Расіі, з'яўляецца адным з ключавых пастаўшчыкоў абсталявання для БелАЭС, сказаў беларускі лідар.

Ён падкрэсліў, што дзякуючы гэтаму праекту сфармаваныя новыя тэхналагічныя сувязі паміж Беларуссю і расійскім рэгіёнам.

У кантэксце тэмы далейшага развіцця супрацоўніцтва, беларускі прэзідэнт сказаў пра гатоўнасць беларускага боку пайсці на стварэнне сумесных зборачных вытворчасцяў і выпускаць прадукцыю, якая будзе запатрабавана на рынках трэціх краін.

Boeing 737-800 Белавіа - Sputnik Беларусь
"Белавія" і "Уральскія авіялініі" падпісалі код-шэрынгавае пагадненне

Паводле слоў Лукашэнкі, у Беларусі ёсць патэнцыял, каб задаволіць патрэбы Новасібірскай вобласці сучаснай грузавой, пасажыркай, сельскагаспадарчай тэхнікай, а таксама таварамі лёгкай і харчовай прамысловасці. Беларускі прэзідэнт у дадзенай сувязі нагадаў пра магчымасці сумеснага прадпрыемства "БМК-Сібір", дзе можна збіраць тралейбусы.

Паводле слоў Лукашэнкі, бакі могуць ажыццявіць перспектыўныя праекты ў авіяцыйнай сферы, бо ў Беларусі авіярамонтны завод перабазаваны на новую вытворчую пляцоўку і там зараз магчымы рамонт сучасных самалётаў.

"У нас запланавана будаўніцтва лядовага палаца да маладзёжнага чэмпіянату свету па хакеі ў 2023 годзе. Вы ўжо азнаёміліся з аналагічным аб'ектам "Чыжоўка-Арэна". Мы гатовы падзяліцца вопытам у будаўніцтве і эксплуатацыі спартыўных збудаванняў", - сказаў Лукашэнка.

"Адным словам, мы адкрытыя для дыялогу па ўсіх пытаннях", - дадаў прэзідэнт.

Траўнікаў у якасці губернатара наведвае Беларусь упершыню, яго візіт у краіну пачаўся 21 студзеня. 22 студзеня Траўнікаў наведаў Магілёў, з яго удзелам прайшлі перамовы ў Магілёўскім аблвыканкаме, дэлегацыя Новасібірскай вобласці наведала ААТ "Магілёўліфтмаш", ААТ "Бабушкина крынка", у мінулую сераду Траўнікаў наведаў НАН Беларусі, "Чыжоўка-Арэну", а таксама з яго удзелам прайшло чацвёртае пасяджэнне Савета дзелавога супрацоўніцтва паміж Беларуссю і Новасібірскай вобласцю. Акрамя гэтага, Траўнікаў правёў перамовы з прэм'ер-міністрам Беларусі Сяргеем Румасам.

Сёння, пасля сустрэчы з Лукашэнкам, Траўнікаў правядзе перамовы з кіраўніцтвам агракамбіната "Ждановічы", наведае ААТ "БелАЗ".

Стужка навiн
0