Хто прыйшоў з мірам: Лукашэнка прыняў даверчыя граматы дзевяці паслоў

© Sputnik / Перайсці ў медыябанкПэзідэнт Беларусі Аляксандр Лукашэнка
Пэзідэнт Беларусі Аляксандр Лукашэнка - Sputnik Беларусь
Падпісацца
Кіраўнік дзяржавы запэўніў, што даражыць адносінамі з кожнай з дзяржаў.

МІНСК, 20 мая - Sputnik. Цырымонія ўручэння даверчых грамат прайшла сёння ў Палацы Незалежнасці, паведамілі ў прэс-службе прэзідэнта.

Член Камітэта Савета Федэрацыі па эканамічнай палітыцы Дзмітрый Мезенцаў - Sputnik Беларусь
Новы пасол Расіі прыбудзе ў Мінск у канцы мая

Паслы дзевяці дзяржаў уручылі граматы беларускаму прэзідэнту Аляксандру Лукашэнку. Кіраўнік беларускай дзяржавы прыняў іх з рук паслоў Беніна, Бразіліі, Даніі, Іспаніі, Емена, Рэспублікі Карэя, Мальты, Славеніі, Уганды і падкрэсліў, што даражыць адносінамі з кожнай з гэтых краін.

"Наша краіна славіцца сваёй гасціннасцю. Мы адкрытыя для дружалюбных і дзелавых узаемаадносін з усімі дзяржавамі. Упэўнены, вам будзе камфортна ажыццяўляць свае дыпламатычныя функцыі. Таму што асновы нашай знешняй палітыкі - міралюбнасць і шматвектарнасць, узважанасць, паслядоўнасць і прадказальнасць", - сказаў прэзідэнт.

Ён адзначыў, што тыя, хто прыходзіць у Беларусь з мірнымі намерамі, заўсёды знойдуць тут падтрымку.

Сярод моцных бакоў Беларусі Лукашэнка назваў адсутнасць расавай дыскрымінацыі, сварак і канфліктаў на нацыянальнай і рэлігійнай глебе.

"Мы шчыра нацэлены на абнаўленне дыялогу па ўмацаванні мер бяспекі і супрацоўніцтва ў Еўра-Атлантыцы і Еўразіі", - сказаў Аляксандр Лукашэнка.

Сапраўдная дружба і перспектыўныя адносіны

Сярод еўрапейскіх краін, паслы якіх сёння ўручылі даверчыя граматы Лукашэнку - Данія, Іспанія, Мальта і Славенія.

Са Славеніяй у Беларусі адносіны развіваюцца даволі дынамічна - за апошнія гады ўдалося стварыць салідную базу для развіцця і пашырэння ўзаемнага супрацоўніцтва, сувязяў, сказаў прэзідэнт. Але галоўнае - сяброўства.

Славенія - сябар Беларусі, падкрэсліў Лукашэнка, і на справе гэта даказана. Ён падзякаваў дзяржаве за падтрымку імкнення нашай краіны да нармалізацыі адносін з Еўрапейскім саюзам. А пакуль вырашаюцца палітычныя пытанні, дзелавыя колы гатовыя да новых сумесных праектаў у энергетыцы, фармацэўтыцы, сельскай гаспадарцы, будаўніцтве і іншых сферах, сказаў Лукашэнка.

Пасольства Рэспублікі Беларусь у Літве - Sputnik Беларусь
У Беларусі змяніліся паслы ў Парыжы і Вільнюсе

Кажучы пра Данію, прэзідэнт адзначыў, што гэтая краіна з'яўляецца перспектыўным партнёрам для Беларусі, з якім рэспубліка мае намер развіваць больш прадуктыўнае супрацоўніцтва. Пазначыў ён і агульную задачу - падтрымліваць мір і стабільнасць у еўрапейскім рэгіёне.

"Нам важны дыялог з дацкім бокам па гэтых і іншых пытаннях двухбаковага парадку дня, а таксама развіццё кантактаў у галіне гандлю, інвестыцый і энергаэфектыўнасці", - сказаў беларускі лідар.

Вялікае значэнне надае Беларусь і ўмацаванню супрацоўніцтва з Іспаніяй. У гэтым годзе быў прызначаны першы пасол Беларусі ў Мадрыдзе, што пацвярджае грунтоўнасць намераў беларускага боку.

"Упэўнены, аналагічныя крокі з іспанскага боку па адкрыцці паўнавартаснага дыпламатычнага прадстаўніцтва ў Мінску ўмацавалі б адносіны паміж нашымі краінамі", - заявіў прэзідэнт.

Кіраўнік дзяржавы лічыць, што Беларусь здольная прыкметна прасунуцца таксама і ў сваім узаемадзеянні з Мальтай. І хоць гэтая краіна невялікая па тэрыторыі і па колькасці насельніцтва, яна адыгрывае важную ролю ў ЕС, перакананы Лукашэнка. Ён упэўнены, што Беларусь і Мальта маглі б знайсці нямала агульных поглядаў і рэалізоўваць сумесныя праекты, у тым ліку звязаныя з выхадам на рынкі іншых краін.

Далёкая, але перспектыўная дуга

Перспектыўнымі бачыць Лукашэнкі адносіны з Бразіліяй. Гэтая краіна з'яўляецца адным з прыярытэтаў Беларусі ў лацінаамерыканскім рэгіёне.

Емен ужо традыцыйна ўваходзіў у лік асноўных партнёраў Беларусі ў арабскім свеце. Але з-за пагаршэння ваенна-палітычнай сітуацыі кантакты паміж краінамі былі замарожаныя, са шкадаваннем канстатаваў прэзідэнт. Беларусь гатова аказваць гэтай дзяржаве дапамогу для хутчэйшага аднаўлення.

Беларусь адкрыта і для далейшага паглыблення ўзаемавыгадных сувязяў з Рэспублікай Карэя, асабліва ў інавацыйных сферах. Лукашэнка скарыстаўся выпадкам запрасіць інвестараў для рэалізацыі сваіх высокатэхналагічных рашэнняў у Беларусі і ўмацавання супрацоўніцтва ў галіне адукацыі і турызму.

Лукашэнка бачыць перспектывы развіцця адносін і з афрыканскімі краінамі. У Заходняй Афрыцы ён разглядае Бенін у якасці перспектыўнага гандлёва-эканамічнага партнёра. Са свайго боку Беларусь гатова прапанаваць дзяржаве "шырокую гаму тэхнікі, спажывецкіх тавараў і харчавання, а таксама адукацыйныя паслугі".

Ёсць цікавасць і да развіцця адносінаў з Угандай. Асаблівая ўвага - пастаўках складанай тэхнічнай прадукцыі і стварэння сумесных зборачных вытворчасцяў. Беларусь таксама можа дапамагчы ў падрыхтоўцы кваліфікаваных кадраў у галіне сельскай гаспадаркі, аховы здароўя, абароны і культуры.

Стужка навiн
0