02:44 17 чэрвеня 2019
«Радыё Sputnik»
  • USD2.07
  • EUR2.33
  • 100 RUB3.21
Міністр замежных спраў Беларусі Уладзімір Макей (у цэнтры)

Макей аб ЮНЭСКА: планаў вялікая колькасць

© Sputnik / Виктор Толочко
Палітыка
Атрымаць кароткую спасылку
1920

У гэтым годзе ў Беларусі адзначаюць 65-ую гадавіну ўступлення ў міжнародную арганізацыю.

МІНСК, 23 мая - Sputnik. Беларусь сумесна з ЮНЭСКА за апошнія 20 гадоў рэалізавала 200 праграм, сказаў міністр замежных спраў Беларусі Уладзімір Макей.

"Планаў, як казаў класік, "громадье". За гэтыя 65 гадоў дасягнута многае. У 1956 годзе Беларусь стала членам ЮНЭСКА. Тады мы яшчэ цмяна ўяўлялі, што гэта дасць нашай краіне", - адказаў міністр на пытанне аб планах супрацоўніцтва з арганізацыяй.

Паводле яго слоў, цяпер супрацоўніцтва з ЮНЭСКА ў гуманітарнай сферы дае Беларусі вельмі многае.

"За апошнія 20 гадоў у нас рэалізавана з ЮНЭСКА 200 сумесных праграм у розных сферах. Вельмі важна, што мы самі імкнемся актыўна ўдзельнічаць у дзейнасці ЮНЭСКА", - заявіў Макей.

Пры гэтым ён нагадаў, што за гэтыя гады Беларусь пяць разоў выбіралі ў кіруючыя органы ЮНЭСКА. "З 2017 па 2021 гады мы з'яўляемся членамі выканаўчага савета ЮНЭСКА", - нагадаў кіраўнік знешнепалітычнага ведамства.

Пры гэтым прадстаўнікі Беларусі актыўна ўносяць прапановы па прасоўванні беларускай тэматыкі. Мінск таксама супрацоўнічае ў арганізацыі з прадстаўнікамі краін-суседзяў.

"Мы прасоўваем шэраг ініцыятыў, якія важныя ў рэгіянальным плане, гэта вельмі важна. Мы задаволены станам нашага супрацоўніцтва з ЮНЭСКА", - адзначыў Макей.

Напрыканцы ён дадаў, што наша краіна і ў далейшым будзе ўносіць прапановы ў дадзенай арганізацыі, якія будуць спрыяць падтрыманню рэгіянальнай стабільнасці.

Тэги:
ЮНЭСКА, Уладзімір Макей, Беларусь

Галоўныя тэмы